| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೧೧. ಯೋಗಕ್ಖೇಮಿವಗ್ಗೋ
11. Yogakkhemivaggo
೧. ಯೋಗಕ್ಖೇಮಿಸುತ್ತವಣ್ಣನಾ
1. Yogakkhemisuttavaṇṇanā
೧೦೪. ಚತೂಹಿ ಯೋಗೇಹೀತಿ ಕಾಮಯೋಗಾದೀಹಿ ಚತೂಹಿ ಯೋಗೇಹಿ। ಖೇಮಿನೋತಿ ಖೇಮವತೋ ಕುಸಲಿನೋ। ಕಾರಣಭೂತನ್ತಿ ಕತ್ತಬ್ಬಉಪಾಯಸ್ಸ ಕಾರಣಭೂತಂ। ಪರಿಯಾಯತಿ ಪವತ್ತಿಂ ನಿವತ್ತಿಞ್ಚ ಞಾಪೇತೀತಿ ಪರಿಯಾಯೋ, ಧಮ್ಮೋ ಚ ಸೋ ಪರಿಯತ್ತಿಧಮ್ಮತ್ತಾ ಪರಿಯಾಯೋ ಚಾತಿ ಧಮ್ಮಪರಿಯಾಯೋ, ತಂ ಧಮ್ಮಪರಿಯಾಯಂ। ಯಸ್ಮಾ ಪನ ಸೋ ತಸ್ಸಾಧಿಗಮಸ್ಸ ಕಾರಣಂ ಹೋತಿ, ತಸ್ಮಾ ವುತ್ತಂ ‘‘ಧಮ್ಮಕಾರಣ’’ನ್ತಿ। ಯುತ್ತಿನ್ತಿ ಸಮಥವಿಪಸ್ಸನಾಧಮ್ಮಾನೀತಿ ವಾ ಚತುಸಚ್ಚಧಮ್ಮಾನೀತಿ ವಾ। ‘‘ತಸ್ಮಾ’’ತಿ ಪದಂ ಉದ್ಧರಿತ್ವಾ – ‘‘ಕಸ್ಮಾ’’ತಿ ಕಾರಣಂ ಪುಚ್ಛನ್ತೋ ‘‘ಕಿಂ ಅಕ್ಖಾತತ್ತಾ, ಉದಾಹು ಪಹೀನತ್ತಾ’’ತಿ ವಿಭಜಿತ್ವಾ ಪುಚ್ಛಿ। ಯಸ್ಮಾ ಪನ ಛನ್ದರಾಗಪ್ಪಹಾನಂ ಯೋಗಕ್ಖೇಮಿಭಾವಸ್ಸ ಕಾರಣಂ, ನ ಕಥನಂ, ತಸ್ಮಾ ‘‘ಪಹೀನತ್ತಾ’’ತಿಆದಿ ವುತ್ತಂ।
104.Catūhiyogehīti kāmayogādīhi catūhi yogehi. Kheminoti khemavato kusalino. Kāraṇabhūtanti kattabbaupāyassa kāraṇabhūtaṃ. Pariyāyati pavattiṃ nivattiñca ñāpetīti pariyāyo, dhammo ca so pariyattidhammattā pariyāyo cāti dhammapariyāyo, taṃ dhammapariyāyaṃ. Yasmā pana so tassādhigamassa kāraṇaṃ hoti, tasmā vuttaṃ ‘‘dhammakāraṇa’’nti. Yuttinti samathavipassanādhammānīti vā catusaccadhammānīti vā. ‘‘Tasmā’’ti padaṃ uddharitvā – ‘‘kasmā’’ti kāraṇaṃ pucchanto ‘‘kiṃ akkhātattā, udāhu pahīnattā’’ti vibhajitvā pucchi. Yasmā pana chandarāgappahānaṃ yogakkhemibhāvassa kāraṇaṃ, na kathanaṃ, tasmā ‘‘pahīnattā’’tiādi vuttaṃ.
ಯೋಗಕ್ಖೇಮಿಸುತ್ತವಣ್ಣನಾ ನಿಟ್ಠಿತಾ।
Yogakkhemisuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧. ಯೋಗಕ್ಖೇಮಿಸುತ್ತಂ • 1. Yogakkhemisuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧. ಯೋಗಕ್ಖೇಮಿಸುತ್ತವಣ್ಣನಾ • 1. Yogakkhemisuttavaṇṇanā
