| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১১. যোগক্খেমিৰগ্গো
11. Yogakkhemivaggo
১. যোগক্খেমিসুত্তৰণ্ণনা
1. Yogakkhemisuttavaṇṇanā
১০৪. চতূহি যোগেহীতি কামযোগাদীহি চতূহি যোগেহি। খেমিনোতি খেমৰতো কুসলিনো। কারণভূতন্তি কত্তব্বউপাযস্স কারণভূতং। পরিযাযতি পৰত্তিং নিৰত্তিঞ্চ ঞাপেতীতি পরিযাযো, ধম্মো চ সো পরিযত্তিধম্মত্তা পরিযাযো চাতি ধম্মপরিযাযো, তং ধম্মপরিযাযং। যস্মা পন সো তস্সাধিগমস্স কারণং হোতি, তস্মা ৰুত্তং ‘‘ধম্মকারণ’’ন্তি। যুত্তিন্তি সমথৰিপস্সনাধম্মানীতি ৰা চতুসচ্চধম্মানীতি ৰা। ‘‘তস্মা’’তি পদং উদ্ধরিত্ৰা – ‘‘কস্মা’’তি কারণং পুচ্ছন্তো ‘‘কিং অক্খাতত্তা, উদাহু পহীনত্তা’’তি ৰিভজিত্ৰা পুচ্ছি। যস্মা পন ছন্দরাগপ্পহানং যোগক্খেমিভাৰস্স কারণং, ন কথনং, তস্মা ‘‘পহীনত্তা’’তিআদি ৰুত্তং।
104.Catūhiyogehīti kāmayogādīhi catūhi yogehi. Kheminoti khemavato kusalino. Kāraṇabhūtanti kattabbaupāyassa kāraṇabhūtaṃ. Pariyāyati pavattiṃ nivattiñca ñāpetīti pariyāyo, dhammo ca so pariyattidhammattā pariyāyo cāti dhammapariyāyo, taṃ dhammapariyāyaṃ. Yasmā pana so tassādhigamassa kāraṇaṃ hoti, tasmā vuttaṃ ‘‘dhammakāraṇa’’nti. Yuttinti samathavipassanādhammānīti vā catusaccadhammānīti vā. ‘‘Tasmā’’ti padaṃ uddharitvā – ‘‘kasmā’’ti kāraṇaṃ pucchanto ‘‘kiṃ akkhātattā, udāhu pahīnattā’’ti vibhajitvā pucchi. Yasmā pana chandarāgappahānaṃ yogakkhemibhāvassa kāraṇaṃ, na kathanaṃ, tasmā ‘‘pahīnattā’’tiādi vuttaṃ.
যোগক্খেমিসুত্তৰণ্ণনা নিট্ঠিতা।
Yogakkhemisuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. যোগক্খেমিসুত্তং • 1. Yogakkhemisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. যোগক্খেমিসুত্তৰণ্ণনা • 1. Yogakkhemisuttavaṇṇanā
