| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೩-೫. ಯೋಧಾಜೀವಸುತ್ತಾದಿವಣ್ಣನಾ
3-5. Yodhājīvasuttādivaṇṇanā
೩೫೫-೩೫೭. ಯುಜ್ಝನಂ ಯೋಧೋ, ಸೋ ಆಜೀವೋ ಏತಸ್ಸಾತಿ ಯೋಧಾಜೀವೋ। ತೇನಾಹ – ‘‘ಯುದ್ಧೇನ ಜೀವಿಕಂ ಕಪ್ಪನಕೋ’’ತಿ, ಉಸ್ಸಾಹಂ ವಾಯಾಮಂ ಕರೋತೀತಿ ಯುಜ್ಝನವಸೇನ ಉಸ್ಸಾಹಂ ವಾಯಾಮಂ ಕರೋತಿ। ಪರಿಯಾಪಾದೇನ್ತೀತಿ ಮರಣಪರಿಯನ್ತಿಕಂ ಆಪದಂ ಪಾಪೇನ್ತಿ। ತೇನಾಹ ‘‘ಮರಣಂ ಪಟಿಪಜ್ಜಾಪೇನ್ತೀ’’ತಿ। ದುಟ್ಠು ಠಪಿತನ್ತಿ ದುಟ್ಠಾಕಾರೇನ ಅತ್ತನೋ ಪರೇಸಞ್ಚ ಅತ್ಥಾವಹಭಾವಂ ನ ಗತಂ ಪಟಿಪನ್ನಂ। ಪರೇಹಿ ಸಙ್ಗಾಮೇ ಜಿತಾ ಹತಾ ಏತ್ಥ ಜಾಯನ್ತೀತಿ ಪರಜಿತೋ ನಾಮ ನಿರಯೋ। ಅಸಿಧನುಗದಾಯಸಙ್ಕುಚಕ್ಕಾನಿ ಪಞ್ಚಾವುಧಾನಿ। ತಂ ಸನ್ಧಾಯಾತಿ ತಂ ಯೋಧಾಜೀವಂ ಪುಗ್ಗಲಂ ಸನ್ಧಾಯ। ಏತಂ ‘‘ಯೋ ಸೋ’’ತಿಆದಿ ವುತ್ತಂ। ಚತುತ್ಥಪಞ್ಚಮೇಸೂತಿ ಹತ್ಥಾರೋಹಅಸ್ಸಾರೋಹಸುತ್ತೇಸು। ಏಸೇವ ನಯೋತಿ ಏಸೋ ತತಿಯೇ ವುತ್ತೋ ಏವ ಅತ್ಥತೋ ವಿಸೇಸಾಭಾವತೋ।
355-357. Yujjhanaṃ yodho, so ājīvo etassāti yodhājīvo. Tenāha – ‘‘yuddhena jīvikaṃ kappanako’’ti, ussāhaṃ vāyāmaṃ karotīti yujjhanavasena ussāhaṃ vāyāmaṃ karoti. Pariyāpādentīti maraṇapariyantikaṃ āpadaṃ pāpenti. Tenāha ‘‘maraṇaṃ paṭipajjāpentī’’ti. Duṭṭhu ṭhapitanti duṭṭhākārena attano paresañca atthāvahabhāvaṃ na gataṃ paṭipannaṃ. Parehi saṅgāme jitā hatā ettha jāyantīti parajito nāma nirayo. Asidhanugadāyasaṅkucakkāni pañcāvudhāni. Taṃ sandhāyāti taṃ yodhājīvaṃ puggalaṃ sandhāya. Etaṃ ‘‘yo so’’tiādi vuttaṃ. Catutthapañcamesūti hatthārohaassārohasuttesu. Eseva nayoti eso tatiye vutto eva atthato visesābhāvato.
ಯೋಧಾಜೀವಸುತ್ತಾದಿವಣ್ಣನಾ ನಿಟ್ಠಿತಾ।
Yodhājīvasuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya
೩. ಯೋಧಾಜೀವಸುತ್ತಂ • 3. Yodhājīvasuttaṃ
೪. ಹತ್ಥಾರೋಹಸುತ್ತಂ • 4. Hatthārohasuttaṃ
೫. ಅಸ್ಸಾರೋಹಸುತ್ತಂ • 5. Assārohasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೩-೫. ಯೋಧಾಜೀವಸುತ್ತಾದಿವಣ್ಣನಾ • 3-5. Yodhājīvasuttādivaṇṇanā
