| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. यवकलापियत्थेरअपदानं
2. Yavakalāpiyattheraapadānaṃ
६.
6.
‘‘नगरे अरुणवतिया, आसिं यवसिको तदा।
‘‘Nagare aruṇavatiyā, āsiṃ yavasiko tadā;
७.
7.
‘‘अनुकम्पको कारुणिको, सिखी लोकग्गनायको।
‘‘Anukampako kāruṇiko, sikhī lokagganāyako;
मम सङ्कप्पमञ्ञाय, निसीदि यवसन्थरे॥
Mama saṅkappamaññāya, nisīdi yavasanthare.
८.
8.
‘‘दिस्वा निसिन्नं विमलं, महाझायिं विनायकं।
‘‘Disvā nisinnaṃ vimalaṃ, mahājhāyiṃ vināyakaṃ;
पामोज्जं जनयित्वान, तत्थ कालङ्कतो अहं॥
Pāmojjaṃ janayitvāna, tattha kālaṅkato ahaṃ.
९.
9.
‘‘एकत्तिंसे इतो कप्पे, यं कम्ममकरिं तदा।
‘‘Ekattiṃse ito kappe, yaṃ kammamakariṃ tadā;
दुग्गतिं नाभिजानामि, यवत्थरे इदं फलं॥
Duggatiṃ nābhijānāmi, yavatthare idaṃ phalaṃ.
१०.
10.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा यवकलापियो थेरो इमा गाथायो अभासित्थाति।
Itthaṃ sudaṃ āyasmā yavakalāpiyo thero imā gāthāyo abhāsitthāti.
यवकलापियत्थेरस्सापदानं दुतियं।
Yavakalāpiyattherassāpadānaṃ dutiyaṃ.
Footnotes:
