| Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā |
೯. ಯಥಾಕಮ್ಮೂಪಗತಞಾಣಕಥಾವಣ್ಣನಾ
9. Yathākammūpagatañāṇakathāvaṇṇanā
೩೭೭. ದಿಬ್ಬೇನ ಚಕ್ಖುನಾ ಯಥಾಕಮ್ಮೂಪಗೇ ಸತ್ತೇ ಪಜಾನಾತೀತಿ ಯಥಾಕಮ್ಮೂಪಗತಞಾಣಸ್ಸ ಉಪನಿಸ್ಸಯೇ ದಿಬ್ಬಚಕ್ಖುಮ್ಹಿ ಕರಣನಿದ್ದೇಸೋ ಕತೋ, ನ ಯಥಾಕಮ್ಮೂಪಗತಜಾನನಕಿಚ್ಚಕೇ। ತಂಕಿಚ್ಚಕೇಯೇವ ಪನ ಪರೋ ಕರಣನಿದ್ದೇಸಂ ಮಞ್ಞತೀತಿ ಆಹ ‘‘ಅಯೋನಿಸೋ ಗಹೇತ್ವಾ’’ತಿ। ಯಥಾಕಮ್ಮೂಪಗತಞಾಣಮೇವ ದಿಬ್ಬಚಕ್ಖುನ್ತಿ ಲದ್ಧೀತಿ ಇಮಿನಾ ವಚನೇನ ದಿಬ್ಬಚಕ್ಖುಮೇವ ಯಥಾಕಮ್ಮೂಪಗತಞಾಣನ್ತಿ ಏವಂ ಭವಿತಬ್ಬಂ। ಏವ-ಸದ್ದೋ ಚ ಅಟ್ಠಾನೇ ಠಿತೋ ದಿಬ್ಬಚಕ್ಖುಸದ್ದಸ್ಸ ಪರತೋ ಯೋಜೇತಬ್ಬೋ। ಯಥಾಕಮ್ಮೂಪಗತಞಾಣಸ್ಸ ಹಿ ಸೋ ದಿಬ್ಬಚಕ್ಖುತೋ ಅತ್ಥನ್ತರಭಾವಂ ನಿವಾರೇತಿ। ನ ಹಿ ದಿಬ್ಬಚಕ್ಖುಸ್ಸ ಯಥಾಕಮ್ಮೂಪಗತಞಾಣತೋತಿ।
377. Dibbenacakkhunā yathākammūpage satte pajānātīti yathākammūpagatañāṇassa upanissaye dibbacakkhumhi karaṇaniddeso kato, na yathākammūpagatajānanakiccake. Taṃkiccakeyeva pana paro karaṇaniddesaṃ maññatīti āha ‘‘ayoniso gahetvā’’ti. Yathākammūpagatañāṇameva dibbacakkhunti laddhīti iminā vacanena dibbacakkhumeva yathākammūpagatañāṇanti evaṃ bhavitabbaṃ. Eva-saddo ca aṭṭhāne ṭhito dibbacakkhusaddassa parato yojetabbo. Yathākammūpagatañāṇassa hi so dibbacakkhuto atthantarabhāvaṃ nivāreti. Na hi dibbacakkhussa yathākammūpagatañāṇatoti.
ಯಥಾಕಮ್ಮೂಪಗತಞಾಣಕಥಾವಣ್ಣನಾ ನಿಟ್ಠಿತಾ।
Yathākammūpagatañāṇakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೨೯) ೯. ಯಥಾಕಮ್ಮೂಪಗತಞಾಣಕಥಾ • (29) 9. Yathākammūpagatañāṇakathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೯. ಯಥಾಕಮ್ಮೂಪಗತಞಾಣಕಥಾವಣ್ಣನಾ • 9. Yathākammūpagatañāṇakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೯. ಯಥಾಕಮ್ಮೂಪಗತಞಾಣಕಥಾವಣ್ಣನಾ • 9. Yathākammūpagatañāṇakathāvaṇṇanā
