| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៦. យសសុត្តវណ្ណនា
6. Yasasuttavaṇṇanā
៨៦. ឆដ្ឋេ មា ច មយា យសោតិ យសោ ច មយា សទ្ធិំ មា គញ្ឆិ។ អកសិរលាភីតិ វិបុលលាភី។ សីលបញ្ញាណន្តិ សីលញ្ចេវ ញាណញ្ច។ សង្គម្មាតិ សន្និបតិត្វា។ សមាគម្មាតិ សមាគន្ត្វា។ សង្គណិកវិហារន្តិ គណសង្គណិកវិហារំ។ ន ហិ នូនមេតិ ន ហិ នូន ឥមេ។ តថា ហិ បនមេតិ តថា ហិ បន ឥមេ។ អង្គុលិបតោទកេហីតិ អង្គុលិបតោទយដ្ឋិំ កត្វា វិជ្ឈនេន។ សញ្ជគ្ឃន្តេតិ មហាហសិតំ ហសន្តេ។ សំកីឡន្តេតិ កេឡិំ ករោន្តេ។
86. Chaṭṭhe mā ca mayā yasoti yaso ca mayā saddhiṃ mā gañchi. Akasiralābhīti vipulalābhī. Sīlapaññāṇanti sīlañceva ñāṇañca. Saṅgammāti sannipatitvā. Samāgammāti samāgantvā. Saṅgaṇikavihāranti gaṇasaṅgaṇikavihāraṃ. Na hi nūnameti na hi nūna ime. Tathā hi panameti tathā hi pana ime. Aṅgulipatodakehīti aṅgulipatodayaṭṭhiṃ katvā vijjhanena. Sañjagghanteti mahāhasitaṃ hasante. Saṃkīḷanteti keḷiṃ karonte.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៦. យសសុត្តំ • 6. Yasasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-១០. សទ្ធាសុត្តាទិវណ្ណនា • 1-10. Saddhāsuttādivaṇṇanā
