| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
६. यससुत्तवण्णना
6. Yasasuttavaṇṇanā
८६. छट्ठे मा च मया यसोति यसो च मया सद्धिं मा गञ्छि। अकसिरलाभीति विपुललाभी। सीलपञ्ञाणन्ति सीलञ्चेव ञाणञ्च। सङ्गम्माति सन्निपतित्वा। समागम्माति समागन्त्वा। सङ्गणिकविहारन्ति गणसङ्गणिकविहारं। न हि नूनमेति न हि नून इमे। तथा हि पनमेति तथा हि पन इमे। अङ्गुलिपतोदकेहीति अङ्गुलिपतोदयट्ठिं कत्वा विज्झनेन। सञ्जग्घन्तेति महाहसितं हसन्ते। संकीळन्तेति केळिं करोन्ते।
86. Chaṭṭhe mā ca mayā yasoti yaso ca mayā saddhiṃ mā gañchi. Akasiralābhīti vipulalābhī. Sīlapaññāṇanti sīlañceva ñāṇañca. Saṅgammāti sannipatitvā. Samāgammāti samāgantvā. Saṅgaṇikavihāranti gaṇasaṅgaṇikavihāraṃ. Na hi nūnameti na hi nūna ime. Tathā hi panameti tathā hi pana ime. Aṅgulipatodakehīti aṅgulipatodayaṭṭhiṃ katvā vijjhanena. Sañjagghanteti mahāhasitaṃ hasante. Saṃkīḷanteti keḷiṃ karonte.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ६. यससुत्तं • 6. Yasasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-१०. सद्धासुत्तादिवण्णना • 1-10. Saddhāsuttādivaṇṇanā
