| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
ယာဂုမဓုဂောဠကာဒိကထာ
Yāgumadhugoḷakādikathā
၂၈၂. ဧကတ္တကောတိ ဧကကော, နတ္ထိ မေ ဒုတိယောတိ အတ္ထော။ ပဟူတံ ယာဂုဉ္စ မဓုဂောဠကဉ္စ ပဋိယာဒာပေတ္ဝာတိ သော ကိရ သတသဟသ္သံ ဝယံ ကတ္ဝာ ပဋိယာဒာပေသိ။ အနုမောဒနာဂာထာပရိယောသာနေ ‘‘ပတ္ထယတံ ဣစ္ဆတ’’န္တိ ပဒာနံ ‘‘အလမေဝ ဒာတု’’န္တိ ဣမိနာ သမ္ဗန္ဓော။ သစေ ပန ‘‘ပတ္ထယတာ ဣစ္ဆတာ’’တိ ပာဌော အတ္ထိ, သောယေဝ ဂဟေတဗ္ဗော။
282.Ekattakoti ekako, natthi me dutiyoti attho. Pahūtaṃ yāguñca madhugoḷakañca paṭiyādāpetvāti so kira satasahassaṃ vayaṃ katvā paṭiyādāpesi. Anumodanāgāthāpariyosāne ‘‘patthayataṃ icchata’’nti padānaṃ ‘‘alameva dātu’’nti iminā sambandho. Sace pana ‘‘patthayatā icchatā’’ti pāṭho atthi, soyeva gahetabbo.
၂၈၃. ဘောဇ္ဇယာဂုန္တိ ယာ ပဝာရဏံ ဇနေတိ။ ယဒဂ္ဂေနာတိ ယံ အာဒိံ ကတ္ဝာ။ သဂ္ဂာ တေ အာရဒ္ဓာတိ သဂ္ဂနိဗ္ဗတ္တကပုညံ ဥပစိတန္တိ အတ္ထော။ ယထာဓမ္မော ကာရေတဗ္ဗောတိ ပရမ္ပရဘောဇနေန ကာရေတဗ္ဗော, ဘောဇ္ဇယာဂုယာ ဟိ ပဝာရဏာ ဟောတီတိ။
283.Bhojjayāgunti yā pavāraṇaṃ janeti. Yadaggenāti yaṃ ādiṃ katvā. Saggā te āraddhāti sagganibbattakapuññaṃ upacitanti attho. Yathādhammokāretabboti paramparabhojanena kāretabbo, bhojjayāguyā hi pavāraṇā hotīti.
၂၈၄. နာဟံ တံ ကစ္စာနာတိ တသ္မိံ ကိရ အဝသိဋ္ဌဂုဠေ ဒေဝတာ သုခုမောဇံ ပက္ခိပိံသု, သာ အညေသံ ပရိဏာမံ န ဂစ္ဆတိ, တသ္မာ ဧဝမာဟ။ ဂိလာနသ္သ ဂုဠန္တိ တထာရူပေန ဗ္ယာဓိနာ ဂိလာနသ္သ ပစ္ဆာဘတ္တံ ဂုဠံ အနုဇာနာမီတိ အတ္ထော။
284.Nāhaṃ taṃ kaccānāti tasmiṃ kira avasiṭṭhaguḷe devatā sukhumojaṃ pakkhipiṃsu, sā aññesaṃ pariṇāmaṃ na gacchati, tasmā evamāha. Gilānassa guḷanti tathārūpena byādhinā gilānassa pacchābhattaṃ guḷaṃ anujānāmīti attho.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၁၇၀. ယာဂုမဓုဂောဠကာနုဇာနနာ • 170. Yāgumadhugoḷakānujānanā
၁၇၁. တရုဏပသန္နမဟာမတ္တဝတ္ထု • 171. Taruṇapasannamahāmattavatthu
၁၇၂. ဗေလဋ္ဌကစ္စာနဝတ္ထု • 172. Belaṭṭhakaccānavatthu
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ယာဂုမဓုဂောဠကာဒိကထာဝဏ္ဏနာ • Yāgumadhugoḷakādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ယာဂုမဓုဂောဠကာဒိကထာဝဏ္ဏနာ • Yāgumadhugoḷakādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ယာဂုမဓုဂောဠကာဒိကထာဝဏ္ဏနာ • Yāgumadhugoḷakādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၇၀. ယာဂုမဓုဂောဠကာဒိကထာ • 170. Yāgumadhugoḷakādikathā
