| Library / Tipiṭaka / ติปิฎก • Tipiṭaka / มหาวคฺค-อฎฺฐกถา • Mahāvagga-aṭṭhakathā |
ยาคุมธุโคฬกาทิกถา
Yāgumadhugoḷakādikathā
๒๘๒. เอกตฺตโกติ เอกโก, นตฺถิ เม ทุติโยติ อโตฺถฯ ปหูตํ ยาคุญฺจ มธุโคฬกญฺจ ปฎิยาทาเปตฺวาติ โส กิร สตสหสฺสํ วยํ กตฺวา ปฎิยาทาเปสิฯ อนุโมทนาคาถาปริโยสาเน ‘‘ปตฺถยตํ อิจฺฉต’’นฺติ ปทานํ ‘‘อลเมว ทาตุ’’นฺติ อิมินา สมฺพโนฺธฯ สเจ ปน ‘‘ปตฺถยตา อิจฺฉตา’’ติ ปาโฐ อตฺถิ, โสเยว คเหตโพฺพฯ
282.Ekattakoti ekako, natthi me dutiyoti attho. Pahūtaṃ yāguñca madhugoḷakañca paṭiyādāpetvāti so kira satasahassaṃ vayaṃ katvā paṭiyādāpesi. Anumodanāgāthāpariyosāne ‘‘patthayataṃ icchata’’nti padānaṃ ‘‘alameva dātu’’nti iminā sambandho. Sace pana ‘‘patthayatā icchatā’’ti pāṭho atthi, soyeva gahetabbo.
๒๘๓. โภชฺชยาคุนฺติ ยา ปวารณํ ชเนติฯ ยทเคฺคนาติ ยํ อาทิํ กตฺวาฯ สคฺคา เต อารทฺธาติ สคฺคนิพฺพตฺตกปุญฺญํ อุปจิตนฺติ อโตฺถฯ ยถาธโมฺม กาเรตโพฺพติ ปรมฺปรโภชเนน กาเรตโพฺพ, โภชฺชยาคุยา หิ ปวารณา โหตีติฯ
283.Bhojjayāgunti yā pavāraṇaṃ janeti. Yadaggenāti yaṃ ādiṃ katvā. Saggā te āraddhāti sagganibbattakapuññaṃ upacitanti attho. Yathādhammokāretabboti paramparabhojanena kāretabbo, bhojjayāguyā hi pavāraṇā hotīti.
๒๘๔. นาหํ ตํ กจฺจานาติ ตสฺมิํ กิร อวสิฎฺฐคุเฬ เทวตา สุขุโมชํ ปกฺขิปิํสุ, สา อเญฺญสํ ปริณามํ น คจฺฉติ, ตสฺมา เอวมาหฯ คิลานสฺส คุฬนฺติ ตถารูเปน พฺยาธินา คิลานสฺส ปจฺฉาภตฺตํ คุฬํ อนุชานามีติ อโตฺถฯ
284.Nāhaṃ taṃ kaccānāti tasmiṃ kira avasiṭṭhaguḷe devatā sukhumojaṃ pakkhipiṃsu, sā aññesaṃ pariṇāmaṃ na gacchati, tasmā evamāha. Gilānassa guḷanti tathārūpena byādhinā gilānassa pacchābhattaṃ guḷaṃ anujānāmīti attho.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๑๗๐. ยาคุมธุโคฬกานุชานนา • 170. Yāgumadhugoḷakānujānanā
๑๗๑. ตรุณปสนฺนมหามตฺตวตฺถุ • 171. Taruṇapasannamahāmattavatthu
๑๗๒. เพลฎฺฐกจฺจานวตฺถุ • 172. Belaṭṭhakaccānavatthu
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ยาคุมธุโคฬกาทิกถาวณฺณนา • Yāgumadhugoḷakādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ยาคุมธุโคฬกาทิกถาวณฺณนา • Yāgumadhugoḷakādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ยาคุมธุโคฬกาทิกถาวณฺณนา • Yāgumadhugoḷakādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๗๐. ยาคุมธุโคฬกาทิกถา • 170. Yāgumadhugoḷakādikathā
