| Library / Tipiṭaka / តិបិដក • Tipiṭaka / បរិវារ-អដ្ឋកថា • Parivāra-aṭṭhakathā |
មហាសង្គាមោ
Mahāsaṅgāmo
វោហរន្តេន ជានិតព្ពាទិវណ្ណនា
Voharantena jānitabbādivaṇṇanā
៣៦៨-៣៧៤. មហាសង្គាមេ – វត្ថុតោ វា វត្ថុំ សង្កមតីតិ ‘‘បឋមបារាជិកវត្ថុ មយា ទិដ្ឋំ វា សុតំ វា’’តិ វត្វា បុន បុច្ឆិយមានោ និឃំសិយមានោ ‘‘ន មយា បឋមបារាជិកស្ស វត្ថុ ទិដ្ឋំ, ន សុតំ; ទុតិយបារាជិកស្ស វត្ថុ ទិដ្ឋំ វា សុតំ វា’’តិ វទតិ។ ឯតេនេវ នយេន សេសវត្ថុសង្កមនំ, វិបត្តិតោ វិបត្តិសង្កមនំ អាបត្តិតោ អាបត្តិសង្កមនញ្ច វេទិតព្ពំ។ យោ បន ‘‘នេវ មយា ទិដ្ឋំ, ន សុត’’ន្តិ វត្វា បច្ឆា ‘‘មយាបេតំ ទិដ្ឋំ វា សុតំ វា’’តិ វទតិ, ‘‘ទិដ្ឋំ វា សុតំ វា’’តិ វត្វា បច្ឆា ‘‘ន ទិដ្ឋំ វា ន សុតំ វា’’តិ វទតិ, អយំ អវជានិត្វា បដិជានាតិ, បដិជានិត្វា អវជានាតីតិ វេទិតព្ពោ។ ឯសេវ អញ្ញេនញ្ញំ បដិចរតិ នាម។
368-374. Mahāsaṅgāme – vatthuto vā vatthuṃ saṅkamatīti ‘‘paṭhamapārājikavatthu mayā diṭṭhaṃ vā sutaṃ vā’’ti vatvā puna pucchiyamāno nighaṃsiyamāno ‘‘na mayā paṭhamapārājikassa vatthu diṭṭhaṃ, na sutaṃ; dutiyapārājikassa vatthu diṭṭhaṃ vā sutaṃ vā’’ti vadati. Eteneva nayena sesavatthusaṅkamanaṃ, vipattito vipattisaṅkamanaṃ āpattito āpattisaṅkamanañca veditabbaṃ. Yo pana ‘‘neva mayā diṭṭhaṃ, na suta’’nti vatvā pacchā ‘‘mayāpetaṃ diṭṭhaṃ vā sutaṃ vā’’ti vadati, ‘‘diṭṭhaṃ vā sutaṃ vā’’ti vatvā pacchā ‘‘na diṭṭhaṃ vā na sutaṃ vā’’ti vadati, ayaṃ avajānitvā paṭijānāti, paṭijānitvā avajānātīti veditabbo. Eseva aññenaññaṃ paṭicarati nāma.
៣៧៥. វណ្ណាវណ្ណោតិ នីលាទិវណ្ណាវណ្ណវសេន សុក្កវិស្សដ្ឋិសិក្ខាបទំ វុត្តំ។ វចនមនុប្បទានន្តិ សញ្ចរិត្តំ វុត្តំ។ កាយសំសគ្គាទិត្តយំ សរូបេនេវ វុត្តំ។ ឥតិ ឥមានិ បញ្ច មេថុនធម្មស្ស បុព្ពភាគោ បុព្ពបយោគោតិ វេទិតព្ពានិ។
375.Vaṇṇāvaṇṇoti nīlādivaṇṇāvaṇṇavasena sukkavissaṭṭhisikkhāpadaṃ vuttaṃ. Vacanamanuppadānanti sañcarittaṃ vuttaṃ. Kāyasaṃsaggādittayaṃ sarūpeneva vuttaṃ. Iti imāni pañca methunadhammassa pubbabhāgo pubbapayogoti veditabbāni.
៣៧៦. ចត្តារិ អបលោកនកម្មានីតិ អធម្មេនវគ្គាទីនិ។ សេសេសុបិ ឯសេវ នយោ។ ឥតិ ចត្តារិ ចតុក្កានិ សោឡស ហោន្តិ។
376.Cattāri apalokanakammānīti adhammenavaggādīni. Sesesupi eseva nayo. Iti cattāri catukkāni soḷasa honti.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ១. វោហរន្តេន ជានិតព្ពាទិ • 1. Voharantena jānitabbādi
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / សង្គាមទ្វយវណ្ណនា • Saṅgāmadvayavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / វោហរន្តេនជានិតព្ពាទិវណ្ណនា • Voharantenajānitabbādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / វោហរន្តេន ជានិតព្ពាទិវណ្ណនា • Voharantena jānitabbādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / វោហរន្តេន ជានិតព្ពាទិវណ្ណនា • Voharantena jānitabbādivaṇṇanā
