| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੧੦. વੋਹਾਰਕਥਾવਣ੍ਣਨਾ
10. Vohārakathāvaṇṇanā
੩੪੭. વਿਸਯવਿਸਯੀਸੂਤਿ ਰੂਪਚਕ੍ਖਾਦਿਕੇ ਸਨ੍ਧਾਯਾਹ। ਤੇ ਹਿ ਰੂਪਕ੍ਖਨ੍ਧਪਰਿਯਾਪਨ੍ਨਤ੍ਤਾ ਏਕਨ੍ਤੇਨ ਲੋਕਿਯਾ। વਿਸਯਸ੍ਸੇવਾਤਿ ਸਦ੍ਦਸ੍ਸੇવ। ਸੋ ਹਿ વੋਹਰਿਤਬ੍ਬਤੋ વੋਹਾਰਕਰਣਤਾਯ ਚ ‘‘વੋਹਾਰੋ’’ਤਿ ਪਾਲ਼ਿਯਂ વੁਤ੍ਤੋ। ਨਤ੍ਥੇਤ੍ਥ ਕਾਰਣਂ વਿਸਯੀਨਂ વਿਸਯਸ੍ਸਪਿ ਆਸવਾਦਿਅਨਾਰਮ੍ਮਣਤਾਭਾવਤੋ। ਅਸਿਦ੍ਧਲੋਕੁਤ੍ਤਰਭਾવਸ੍ਸ ਏਕਨ੍ਤਸਾਸવਤ੍ਤਾ ਤਸ੍ਸ ਸਦ੍ਦਾਯਤਨਸ੍ਸ ਯਥਾ ਲੋਕੁਤ੍ਤਰਤਾ ਤવ ਮਤੇਨਾਤਿ ਅਧਿਪ੍ਪਾਯੋ।
347. Visayavisayīsūti rūpacakkhādike sandhāyāha. Te hi rūpakkhandhapariyāpannattā ekantena lokiyā. Visayassevāti saddasseva. So hi voharitabbato vohārakaraṇatāya ca ‘‘vohāro’’ti pāḷiyaṃ vutto. Natthettha kāraṇaṃ visayīnaṃ visayassapi āsavādianārammaṇatābhāvato. Asiddhalokuttarabhāvassa ekantasāsavattā tassa saddāyatanassa yathā lokuttaratā tava matenāti adhippāyo.
ਪਟਿਹਞ੍ਞੇਯ੍ਯਾਤਿ ਇਦਂ ਪਰਿਕਪ੍ਪવਚਨਂ। ਪਰਿਕਪ੍ਪવਚਨਞ੍ਚ ਅਯਾਥਾવਨ੍ਤਿ ਆਹ ‘‘ਨ ਹਿ…ਪੇ॰… ਅਤ੍ਥੀ’’ਤਿ। ਨ ਹਿ ਜਲਂ ਅਨਲਨ੍ਤਿ ਪਰਿਕਪ੍ਪਿਤਂ ਦਹਤਿ ਪਚਤਿ વਾ। ਕਿਂ ਲੋਕਿਯੇਨ ਞਾਣੇਨ ਜਾਨਿਤਬ੍ਬਤੋ ਲੋਕਿਯੋ ਰੂਪਾਯਤਨਾਦਿ વਿਯ, ਉਦਾਹੁ ਲੋਕੁਤ੍ਤਰੋ ਪਚ੍ਚવੇਕ੍ਖਿਯਮਾਨਮਗ੍ਗਾਦਿ વਿਯਾਤਿ ਏવਮੇਤ੍ਥ ਹੇਤੁਸ੍ਸ ਅਨੇਕਨ੍ਤਭਾવੋ વੇਦਿਤਬ੍ਬੋ। ਤੇਨਾਹ ‘‘ਲੋਕਿਯੇ ਲੋਕੁਤ੍ਤਰੇ ਚ ਸਮ੍ਭવਤੋ’’ਤਿ।
Paṭihaññeyyāti idaṃ parikappavacanaṃ. Parikappavacanañca ayāthāvanti āha ‘‘na hi…pe… atthī’’ti. Na hi jalaṃ analanti parikappitaṃ dahati pacati vā. Kiṃ lokiyena ñāṇena jānitabbato lokiyo rūpāyatanādi viya, udāhu lokuttaro paccavekkhiyamānamaggādi viyāti evamettha hetussa anekantabhāvo veditabbo. Tenāha ‘‘lokiye lokuttare ca sambhavato’’ti.
વੋਹਾਰਕਥਾવਣ੍ਣਨਾ ਨਿਟ੍ਠਿਤਾ।
Vohārakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੯) ੧੦. વੋਹਾਰਕਥਾ • (19) 10. Vohārakathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧੦. વੋਹਾਰਕਥਾવਣ੍ਣਨਾ • 10. Vohārakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੦. વੋਹਾਰਕਥਾવਣ੍ਣਨਾ • 10. Vohārakathāvaṇṇanā
