| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૧૦. વોહારકથાવણ્ણના
10. Vohārakathāvaṇṇanā
૩૪૭. વિસયવિસયીસૂતિ રૂપચક્ખાદિકે સન્ધાયાહ. તે હિ રૂપક્ખન્ધપરિયાપન્નત્તા એકન્તેન લોકિયા. વિસયસ્સેવાતિ સદ્દસ્સેવ. સો હિ વોહરિતબ્બતો વોહારકરણતાય ચ ‘‘વોહારો’’તિ પાળિયં વુત્તો. નત્થેત્થ કારણં વિસયીનં વિસયસ્સપિ આસવાદિઅનારમ્મણતાભાવતો. અસિદ્ધલોકુત્તરભાવસ્સ એકન્તસાસવત્તા તસ્સ સદ્દાયતનસ્સ યથા લોકુત્તરતા તવ મતેનાતિ અધિપ્પાયો.
347. Visayavisayīsūti rūpacakkhādike sandhāyāha. Te hi rūpakkhandhapariyāpannattā ekantena lokiyā. Visayassevāti saddasseva. So hi voharitabbato vohārakaraṇatāya ca ‘‘vohāro’’ti pāḷiyaṃ vutto. Natthettha kāraṇaṃ visayīnaṃ visayassapi āsavādianārammaṇatābhāvato. Asiddhalokuttarabhāvassa ekantasāsavattā tassa saddāyatanassa yathā lokuttaratā tava matenāti adhippāyo.
પટિહઞ્ઞેય્યાતિ ઇદં પરિકપ્પવચનં. પરિકપ્પવચનઞ્ચ અયાથાવન્તિ આહ ‘‘ન હિ…પે॰… અત્થી’’તિ. ન હિ જલં અનલન્તિ પરિકપ્પિતં દહતિ પચતિ વા. કિં લોકિયેન ઞાણેન જાનિતબ્બતો લોકિયો રૂપાયતનાદિ વિય, ઉદાહુ લોકુત્તરો પચ્ચવેક્ખિયમાનમગ્ગાદિ વિયાતિ એવમેત્થ હેતુસ્સ અનેકન્તભાવો વેદિતબ્બો. તેનાહ ‘‘લોકિયે લોકુત્તરે ચ સમ્ભવતો’’તિ.
Paṭihaññeyyāti idaṃ parikappavacanaṃ. Parikappavacanañca ayāthāvanti āha ‘‘na hi…pe… atthī’’ti. Na hi jalaṃ analanti parikappitaṃ dahati pacati vā. Kiṃ lokiyena ñāṇena jānitabbato lokiyo rūpāyatanādi viya, udāhu lokuttaro paccavekkhiyamānamaggādi viyāti evamettha hetussa anekantabhāvo veditabbo. Tenāha ‘‘lokiye lokuttare ca sambhavato’’ti.
વોહારકથાવણ્ણના નિટ્ઠિતા.
Vohārakathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૯) ૧૦. વોહારકથા • (19) 10. Vohārakathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧૦. વોહારકથાવણ્ણના • 10. Vohārakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૧૦. વોહારકથાવણ્ણના • 10. Vohārakathāvaṇṇanā
