| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
১০. ৰোহারকথাৰণ্ণনা
10. Vohārakathāvaṇṇanā
৩৪৭. ৰিসযৰিসযীসূতি রূপচক্খাদিকে সন্ধাযাহ। তে হি রূপক্খন্ধপরিযাপন্নত্তা একন্তেন লোকিযা। ৰিসযস্সেৰাতি সদ্দস্সেৰ। সো হি ৰোহরিতব্বতো ৰোহারকরণতায চ ‘‘ৰোহারো’’তি পাল়িযং ৰুত্তো। নত্থেত্থ কারণং ৰিসযীনং ৰিসযস্সপি আসৰাদিঅনারম্মণতাভাৰতো। অসিদ্ধলোকুত্তরভাৰস্স একন্তসাসৰত্তা তস্স সদ্দাযতনস্স যথা লোকুত্তরতা তৰ মতেনাতি অধিপ্পাযো।
347. Visayavisayīsūti rūpacakkhādike sandhāyāha. Te hi rūpakkhandhapariyāpannattā ekantena lokiyā. Visayassevāti saddasseva. So hi voharitabbato vohārakaraṇatāya ca ‘‘vohāro’’ti pāḷiyaṃ vutto. Natthettha kāraṇaṃ visayīnaṃ visayassapi āsavādianārammaṇatābhāvato. Asiddhalokuttarabhāvassa ekantasāsavattā tassa saddāyatanassa yathā lokuttaratā tava matenāti adhippāyo.
পটিহঞ্ঞেয্যাতি ইদং পরিকপ্পৰচনং। পরিকপ্পৰচনঞ্চ অযাথাৰন্তি আহ ‘‘ন হি…পে॰… অত্থী’’তি। ন হি জলং অনলন্তি পরিকপ্পিতং দহতি পচতি ৰা। কিং লোকিযেন ঞাণেন জানিতব্বতো লোকিযো রূপাযতনাদি ৰিয, উদাহু লোকুত্তরো পচ্চৰেক্খিযমানমগ্গাদি ৰিযাতি এৰমেত্থ হেতুস্স অনেকন্তভাৰো ৰেদিতব্বো। তেনাহ ‘‘লোকিযে লোকুত্তরে চ সম্ভৰতো’’তি।
Paṭihaññeyyāti idaṃ parikappavacanaṃ. Parikappavacanañca ayāthāvanti āha ‘‘na hi…pe… atthī’’ti. Na hi jalaṃ analanti parikappitaṃ dahati pacati vā. Kiṃ lokiyena ñāṇena jānitabbato lokiyo rūpāyatanādi viya, udāhu lokuttaro paccavekkhiyamānamaggādi viyāti evamettha hetussa anekantabhāvo veditabbo. Tenāha ‘‘lokiye lokuttare ca sambhavato’’ti.
ৰোহারকথাৰণ্ণনা নিট্ঠিতা।
Vohārakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৯) ১০. ৰোহারকথা • (19) 10. Vohārakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১০. ৰোহারকথাৰণ্ণনা • 10. Vohārakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১০. ৰোহারকথাৰণ্ণনা • 10. Vohārakathāvaṇṇanā
