| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
10. வோஹாரகதா²வண்ணனா
10. Vohārakathāvaṇṇanā
347. விஸயவிஸயீஸூதி ரூபசக்கா²தி³கே ஸந்தா⁴யாஹ. தே ஹி ரூபக்க²ந்த⁴பரியாபன்னத்தா ஏகந்தேன லோகியா. விஸயஸ்ஸேவாதி ஸத்³த³ஸ்ஸேவ. ஸோ ஹி வோஹரிதப்³ப³தோ வோஹாரகரணதாய ச ‘‘வோஹாரோ’’தி பாளியங் வுத்தோ. நத்தெ²த்த² காரணங் விஸயீனங் விஸயஸ்ஸபி ஆஸவாதி³அனாரம்மணதாபா⁴வதோ. அஸித்³த⁴லோகுத்தரபா⁴வஸ்ஸ ஏகந்தஸாஸவத்தா தஸ்ஸ ஸத்³தா³யதனஸ்ஸ யதா² லோகுத்தரதா தவ மதேனாதி அதி⁴ப்பாயோ.
347. Visayavisayīsūti rūpacakkhādike sandhāyāha. Te hi rūpakkhandhapariyāpannattā ekantena lokiyā. Visayassevāti saddasseva. So hi voharitabbato vohārakaraṇatāya ca ‘‘vohāro’’ti pāḷiyaṃ vutto. Natthettha kāraṇaṃ visayīnaṃ visayassapi āsavādianārammaṇatābhāvato. Asiddhalokuttarabhāvassa ekantasāsavattā tassa saddāyatanassa yathā lokuttaratā tava matenāti adhippāyo.
படிஹஞ்ஞெய்யாதி இத³ங் பரிகப்பவசனங். பரிகப்பவசனஞ்ச அயாதா²வந்தி ஆஹ ‘‘ந ஹி…பே॰… அத்தீ²’’தி. ந ஹி ஜலங் அனலந்தி பரிகப்பிதங் த³ஹதி பசதி வா. கிங் லோகியேன ஞாணேன ஜானிதப்³ப³தோ லோகியோ ரூபாயதனாதி³ விய, உதா³ஹு லோகுத்தரோ பச்சவெக்கி²யமானமக்³கா³தி³ வியாதி ஏவமெத்த² ஹேதுஸ்ஸ அனேகந்தபா⁴வோ வேதி³தப்³போ³. தேனாஹ ‘‘லோகியே லோகுத்தரே ச ஸம்ப⁴வதோ’’தி.
Paṭihaññeyyāti idaṃ parikappavacanaṃ. Parikappavacanañca ayāthāvanti āha ‘‘na hi…pe… atthī’’ti. Na hi jalaṃ analanti parikappitaṃ dahati pacati vā. Kiṃ lokiyena ñāṇena jānitabbato lokiyo rūpāyatanādi viya, udāhu lokuttaro paccavekkhiyamānamaggādi viyāti evamettha hetussa anekantabhāvo veditabbo. Tenāha ‘‘lokiye lokuttare ca sambhavato’’ti.
வோஹாரகதா²வண்ணனா நிட்டி²தா.
Vohārakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (19) 10. வோஹாரகதா² • (19) 10. Vohārakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 10. வோஹாரகதா²வண்ணனா • 10. Vohārakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 10. வோஹாரகதா²வண்ணனா • 10. Vohārakathāvaṇṇanā
