| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೩. ವೀಥಿಸಮ್ಮಜ್ಜಕತ್ಥೇರಅಪದಾನಂ
3. Vīthisammajjakattheraapadānaṃ
೧೫.
15.
ಪನ್ನರಸೇ ಯಥಾ ಚನ್ದಂ, ನಿಯ್ಯನ್ತಂ ಲೋಕನಾಯಕಂ॥
Pannarase yathā candaṃ, niyyantaṃ lokanāyakaṃ.
೧೬.
16.
‘‘ಅಟ್ಠಸಟ್ಠಿಸಹಸ್ಸಾನಿ, ಸಬ್ಬೇ ಖೀಣಾಸವಾ ಅಹುಂ।
‘‘Aṭṭhasaṭṭhisahassāni, sabbe khīṇāsavā ahuṃ;
ಪರಿವಾರಿಂಸು ಸಮ್ಬುದ್ಧಂ, ದ್ವಿಪದಿನ್ದಂ ನರಾಸಭಂ॥
Parivāriṃsu sambuddhaṃ, dvipadindaṃ narāsabhaṃ.
೧೭.
17.
‘‘ಸಮ್ಮಜ್ಜಿತ್ವಾನ ತಂ ವೀಥಿಂ, ನಿಯ್ಯನ್ತೇ ಲೋಕನಾಯಕೇ।
‘‘Sammajjitvāna taṃ vīthiṃ, niyyante lokanāyake;
ಉಸ್ಸಾಪೇಸಿಂ ಧಜಂ ತತ್ಥ, ವಿಪ್ಪಸನ್ನೇನ ಚೇತಸಾ॥
Ussāpesiṃ dhajaṃ tattha, vippasannena cetasā.
೧೮.
18.
‘‘ಏಕನವುತಿತೋ ಕಪ್ಪೇ, ಯಂ ಧಜಂ ಅಭಿರೋಪಯಿಂ।
‘‘Ekanavutito kappe, yaṃ dhajaṃ abhiropayiṃ;
ದುಗ್ಗತಿಂ ನಾಭಿಜಾನಾಮಿ, ಧಜದಾನಸ್ಸಿದಂ ಫಲಂ॥
Duggatiṃ nābhijānāmi, dhajadānassidaṃ phalaṃ.
೧೯.
19.
‘‘ಇತೋ ಚತುತ್ಥಕೇ ಕಪ್ಪೇ, ರಾಜಾಹೋಸಿಂ ಮಹಬ್ಬಲೋ।
‘‘Ito catutthake kappe, rājāhosiṃ mahabbalo;
ಸಬ್ಬಾಕಾರೇನ ಸಮ್ಪನ್ನೋ, ಸುಧಜೋ ಇತಿ ವಿಸ್ಸುತೋ॥
Sabbākārena sampanno, sudhajo iti vissuto.
೨೦.
20.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ವೀಥಿಸಮ್ಮಜ್ಜಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā vīthisammajjako thero imā gāthāyo abhāsitthāti.
ವೀಥಿಸಮ್ಮಜ್ಜಕತ್ಥೇರಸ್ಸಾಪದಾನಂ ತತಿಯಂ।
Vīthisammajjakattherassāpadānaṃ tatiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೩. ವೀಥಿಸಮ್ಮಜ್ಜಕತ್ಥೇರಅಪದಾನವಣ್ಣನಾ • 3. Vīthisammajjakattheraapadānavaṇṇanā
