| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕਪਾਲ਼ਿ • Itivuttakapāḷi |
੪. ਚਤੁਤ੍ਥવਗ੍ਗੋ
4. Catutthavaggo
੧. વਿਤਕ੍ਕਸੁਤ੍ਤਂ
1. Vitakkasuttaṃ
੮੦. વੁਤ੍ਤਞ੍ਹੇਤਂ ਭਗવਤਾ, વੁਤ੍ਤਮਰਹਤਾਤਿ ਮੇ ਸੁਤਂ –
80. Vuttañhetaṃ bhagavatā, vuttamarahatāti me sutaṃ –
‘‘ਤਯੋਮੇ, ਭਿਕ੍ਖવੇ, ਅਕੁਸਲવਿਤਕ੍ਕਾ। ਕਤਮੇ ਤਯੋ? ਅਨવਞ੍ਞਤ੍ਤਿਪਟਿਸਂਯੁਤ੍ਤੋ વਿਤਕ੍ਕੋ, ਲਾਭਸਕ੍ਕਾਰਸਿਲੋਕਪਟਿਸਂਯੁਤ੍ਤੋ વਿਤਕ੍ਕੋ, ਪਰਾਨੁਦ੍ਦਯਤਾਪਟਿਸਂਯੁਤ੍ਤੋ વਿਤਕ੍ਕੋ। ਇਮੇ ਖੋ, ਭਿਕ੍ਖવੇ, ਤਯੋ ਅਕੁਸਲવਿਤਕ੍ਕਾ’’ਤਿ । ਏਤਮਤ੍ਥਂ ਭਗવਾ ਅવੋਚ। ਤਤ੍ਥੇਤਂ ਇਤਿ વੁਚ੍ਚਤਿ –
‘‘Tayome, bhikkhave, akusalavitakkā. Katame tayo? Anavaññattipaṭisaṃyutto vitakko, lābhasakkārasilokapaṭisaṃyutto vitakko, parānuddayatāpaṭisaṃyutto vitakko. Ime kho, bhikkhave, tayo akusalavitakkā’’ti . Etamatthaṃ bhagavā avoca. Tatthetaṃ iti vuccati –
‘‘ਅਨવਞ੍ਞਤ੍ਤਿਸਂਯੁਤ੍ਤੋ, ਲਾਭਸਕ੍ਕਾਰਗਾਰવੋ।
‘‘Anavaññattisaṃyutto, lābhasakkāragāravo;
ਸਹਨਨ੍ਦੀ ਅਮਚ੍ਚੇਹਿ, ਆਰਾ ਸਂਯੋਜਨਕ੍ਖਯਾ॥
Sahanandī amaccehi, ārā saṃyojanakkhayā.
ਭਬ੍ਬੋ ਸੋ ਤਾਦਿਸੋ ਭਿਕ੍ਖੁ, ਫੁਟ੍ਠੁਂ ਸਮ੍ਬੋਧਿਮੁਤ੍ਤਮ’’ਨ੍ਤਿ॥
Bhabbo so tādiso bhikkhu, phuṭṭhuṃ sambodhimuttama’’nti.
ਅਯਮ੍ਪਿ ਅਤ੍ਥੋ વੁਤ੍ਤੋ ਭਗવਤਾ, ਇਤਿ ਮੇ ਸੁਤਨ੍ਤਿ। ਪਠਮਂ।
Ayampi attho vutto bhagavatā, iti me sutanti. Paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā / ੧. વਿਤਕ੍ਕਸੁਤ੍ਤવਣ੍ਣਨਾ • 1. Vitakkasuttavaṇṇanā
