| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৪. চতুত্থৰগ্গো
4. Catutthavaggo
১. ৰিতক্কসুত্তং
1. Vitakkasuttaṃ
৮০. ৰুত্তঞ্হেতং ভগৰতা, ৰুত্তমরহতাতি মে সুতং –
80. Vuttañhetaṃ bhagavatā, vuttamarahatāti me sutaṃ –
‘‘তযোমে, ভিক্খৰে, অকুসলৰিতক্কা। কতমে তযো? অনৰঞ্ঞত্তিপটিসংযুত্তো ৰিতক্কো, লাভসক্কারসিলোকপটিসংযুত্তো ৰিতক্কো, পরানুদ্দযতাপটিসংযুত্তো ৰিতক্কো। ইমে খো, ভিক্খৰে, তযো অকুসলৰিতক্কা’’তি । এতমত্থং ভগৰা অৰোচ। তত্থেতং ইতি ৰুচ্চতি –
‘‘Tayome, bhikkhave, akusalavitakkā. Katame tayo? Anavaññattipaṭisaṃyutto vitakko, lābhasakkārasilokapaṭisaṃyutto vitakko, parānuddayatāpaṭisaṃyutto vitakko. Ime kho, bhikkhave, tayo akusalavitakkā’’ti . Etamatthaṃ bhagavā avoca. Tatthetaṃ iti vuccati –
‘‘অনৰঞ্ঞত্তিসংযুত্তো, লাভসক্কারগারৰো।
‘‘Anavaññattisaṃyutto, lābhasakkāragāravo;
সহনন্দী অমচ্চেহি, আরা সংযোজনক্খযা॥
Sahanandī amaccehi, ārā saṃyojanakkhayā.
ভব্বো সো তাদিসো ভিক্খু, ফুট্ঠুং সম্বোধিমুত্তম’’ন্তি॥
Bhabbo so tādiso bhikkhu, phuṭṭhuṃ sambodhimuttama’’nti.
অযম্পি অত্থো ৰুত্তো ভগৰতা, ইতি মে সুতন্তি। পঠমং।
Ayampi attho vutto bhagavatā, iti me sutanti. Paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ১. ৰিতক্কসুত্তৰণ্ণনা • 1. Vitakkasuttavaṇṇanā
