| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. விதக்கஸுத்தங்
3. Vitakkasuttaṃ
109. ‘‘தயோமே, பி⁴க்க²வே, த⁴ம்மா. கதமே தயோ? காமவிதக்கோ, ப்³யாபாத³விதக்கோ, விஹிங்ஸாவிதக்கோ. இமே கோ², பி⁴க்க²வே, தயோ த⁴ம்மா. இமேஸங் கோ², பி⁴க்க²வே, திண்ணங் த⁴ம்மானங் பஹானாய தயோ த⁴ம்மா பா⁴வேதப்³பா³. கதமே தயோ? காமவிதக்கஸ்ஸ பஹானாய நெக்க²ம்மவிதக்கோ பா⁴வேதப்³போ³, ப்³யாபாத³விதக்கஸ்ஸ பஹானாய அப்³யாபாத³விதக்கோ பா⁴வேதப்³போ³, விஹிங்ஸாவிதக்கஸ்ஸ பஹானாய அவிஹிங்ஸாவிதக்கோ பா⁴வேதப்³போ³. இமேஸங் கோ², பி⁴க்க²வே, திண்ணங் த⁴ம்மானங் பஹானாய இமே தயோ த⁴ம்மா பா⁴வேதப்³பா³’’தி. ததியங்.
109. ‘‘Tayome, bhikkhave, dhammā. Katame tayo? Kāmavitakko, byāpādavitakko, vihiṃsāvitakko. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Kāmavitakkassa pahānāya nekkhammavitakko bhāvetabbo, byāpādavitakkassa pahānāya abyāpādavitakko bhāvetabbo, vihiṃsāvitakkassa pahānāya avihiṃsāvitakko bhāvetabbo. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Tatiyaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-11. பாதுபா⁴வஸுத்தாதி³வண்ணனா • 1-11. Pātubhāvasuttādivaṇṇanā
