| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೭. ವಿತಕ್ಕಾನುಪತಿತಕಥಾವಣ್ಣನಾ
7. Vitakkānupatitakathāvaṇṇanā
೫೬೨. ಇದಾನಿ ವಿತಕ್ಕಾನುಪತಿತಕಥಾ ನಾಮ ಹೋತಿ। ತತ್ಥ ವಿತಕ್ಕಾನುಪತಿತಾ ನಾಮ ದುವಿಧಾ – ಆರಮ್ಮಣತೋ ಚ ಸಮ್ಪಯೋಗತೋ ಚ। ತತ್ಥ ಅಸುಕಚಿತ್ತಂ ನಾಮ ವಿತಕ್ಕಸ್ಸಾರಮ್ಮಣಂ ನ ಹೋತೀತಿ ನಿಯಮಾಭಾವತೋ ಸಿಯಾ ಸಬ್ಬಂ ಚಿತ್ತಂ ವಿತಕ್ಕಾನುಪತಿತಂ, ವಿತಕ್ಕವಿಪ್ಪಯುತ್ತಚಿತ್ತಸಬ್ಭಾವತೋ ಪನ ನ ಸಬ್ಬಂ ಚಿತ್ತಂ ವಿತಕ್ಕಾನುಪತಿತಂ। ಇತಿ ಇಮಂ ವಿಭಾಗಂ ಅಕತ್ವಾ ಅವಿಸೇಸೇನೇವ ಸಬ್ಬಂ ಚಿತ್ತಂ ವಿತಕ್ಕಾನುಪತಿತನ್ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಉತ್ತರಾಪಥಕಾನಂ, ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಸೇಸಮೇತ್ಥ ಪಾಳಿವಸೇನೇವ ನಿಯ್ಯಾತೀತಿ।
562. Idāni vitakkānupatitakathā nāma hoti. Tattha vitakkānupatitā nāma duvidhā – ārammaṇato ca sampayogato ca. Tattha asukacittaṃ nāma vitakkassārammaṇaṃ na hotīti niyamābhāvato siyā sabbaṃ cittaṃ vitakkānupatitaṃ, vitakkavippayuttacittasabbhāvato pana na sabbaṃ cittaṃ vitakkānupatitaṃ. Iti imaṃ vibhāgaṃ akatvā aviseseneva sabbaṃ cittaṃ vitakkānupatitanti yesaṃ laddhi, seyyathāpi uttarāpathakānaṃ, te sandhāya pucchā sakavādissa, paṭiññā itarassa. Sesamettha pāḷivaseneva niyyātīti.
ವಿತಕ್ಕಾನುಪತಿತಕಥಾವಣ್ಣನಾ।
Vitakkānupatitakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೯೦) ೭. ವಿತಕ್ಕಾನುಪತಿತಕಥಾ • (90) 7. Vitakkānupatitakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೭. ವಿತಕ್ಕಾನುಪತಿತಕಥಾವಣ್ಣನಾ • 7. Vitakkānupatitakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೭. ವಿತಕ್ಕಾನುಪತಿತಕಥಾವಣ್ಣನಾ • 7. Vitakkānupatitakathāvaṇṇanā
