| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༧. ཝིསཱཁསུཏྟཝཎྞནཱ
7. Visākhasuttavaṇṇanā
༢༤༡. པུརསྶ ཨེསཱཏི པོརཱི, ཙཱཏུརིཡཡུཏྟཏཱ། ཏེནཱཧ ‘‘པུརཝཱསཱིན’’ནྟིཨཱདི། སཱ པན དུཏཝིལམྦིཏཁལིཏཝསེན ཨཔྤསནྣལཱུཁཏཱདིདོསརཧིཏཱ ཧོཏཱིཏི ཨཱཧ ‘‘པུར…པེ॰… ཝཱཙཱཡཱ’’ཏི། ཨསནྡིདྡྷཱཡཱཏི མུཏྟཝཱཙཱཡ། ཏེནཱཧ ‘‘ཨཔལིབུདྡྷཱཡཱ’’ཏིཨཱདི། ན ཨེལཾ དོསཾ གལེཏཱིཏི ཨནེལགལཱ, ཨཝིརུཛ྄ཛྷནཝཱཙཱ། ཏེནཱཧ ‘‘ནིདྡོསཱཡཱ’’ཏི། ཙཏུསཙྩསྶ པཀཱསཀཱ, ན ཀདཱཙི སཙྩཝིམུཏྟཱཏི ཨཱཧ ‘‘ཙཏུསཙྩཔརིཡཱཔནྣཱཡཱ’’ཏི། ཏཱ ཧི ཙཏྟཱརི སཙྩཱནི པརིཙྪིཛྫ ཨཱཔཱདེནྟི པཊིཔཱདེནྟི པཝཏྟེནྟི། ཏེནཱཧ ‘‘ཙཏྟཱརི སཙྩཱནི ཨམུཉྩིཏྭཱ པཝཏྟཱཡཱ’’ཏི། དྷཛོ ནཱམ སབྦདྷམྨེཧི སམུསྶིཏཊྛེན།
241. Purassa esāti porī, cāturiyayuttatā. Tenāha ‘‘puravāsīna’’ntiādi. Sā pana dutavilambitakhalitavasena appasannalūkhatādidosarahitā hotīti āha ‘‘pura…pe… vācāyā’’ti. Asandiddhāyāti muttavācāya. Tenāha ‘‘apalibuddhāyā’’tiādi. Na elaṃ dosaṃ galetīti anelagalā, avirujjhanavācā. Tenāha ‘‘niddosāyā’’ti. Catusaccassa pakāsakā, na kadāci saccavimuttāti āha ‘‘catusaccapariyāpannāyā’’ti. Tā hi cattāri saccāni paricchijja āpādenti paṭipādenti pavattenti. Tenāha ‘‘cattāri saccāni amuñcitvā pavattāyā’’ti. Dhajo nāma sabbadhammehi samussitaṭṭhena.
ཝིསཱཁསུཏྟཝཎྞནཱ ནིཊྛིཏཱ།
Visākhasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༧. ཝིསཱཁསུཏྟཾ • 7. Visākhasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༧. ཝིསཱཁསུཏྟཝཎྞནཱ • 7. Visākhasuttavaṇṇanā
