| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೭. ವಿಸಾಖಸುತ್ತವಣ್ಣನಾ
7. Visākhasuttavaṇṇanā
೨೪೧. ಸತ್ತಮೇ ಪೋರಿಯಾ ವಾಚಾಯಾತಿ ಪುರವಾಸೀನಂ ನಗರಮನುಸ್ಸಾನಂ ವಾಚಾಸದಿಸಾಯ ಅಪರಿಹೀನಕ್ಖರಪದಾಯ ಮಧುರವಾಚಾಯ। ವಿಸ್ಸಟ್ಠಾಯಾತಿ ಅಸನ್ದಿದ್ಧಾಯ ಅಪಲಿಬುದ್ಧಾಯ, ಪಿತ್ತಸೇಮ್ಹೇಹಿ ಅನುಪಹತಾಯಾತಿ ಅತ್ಥೋ। ಅನೇಲಗಲಾಯಾತಿ ಯಥಾ ದನ್ಧಮನುಸ್ಸಾ ಮುಖೇನ ಖೇಳಂ ಗಳನ್ತೇನ ವಾಚಂ ಭಾಸನ್ತಿ, ನ ಏವರೂಪಾಯ, ಅಥ ಖೋ ನಿದ್ದೋಸಾಯ ವಿಸದವಾಚಾಯ। ಪರಿಯಾಪನ್ನಾಯಾತಿ ಚತುಸಚ್ಚಪರಿಯಾಪನ್ನಾಯ ಚತ್ತಾರಿ ಸಚ್ಚಾನಿ ಅಮುಞ್ಚಿತ್ವಾ ಪವತ್ತಾಯ। ಅನಿಸ್ಸಿತಾಯಾತಿ ವಟ್ಟನಿಸ್ಸಿತಂ ಕತ್ವಾ ಅಕಥಿತಾಯ। ಧಮ್ಮೋ ಹಿ ಇಸಿನಂ ಧಜೋತಿ ನವವಿಧಲೋಕುತ್ತರಧಮ್ಮೋ ಇಸೀನಂ ಧಜೋ ನಾಮಾತಿ। ಸತ್ತಮಂ।
241. Sattame poriyā vācāyāti puravāsīnaṃ nagaramanussānaṃ vācāsadisāya aparihīnakkharapadāya madhuravācāya. Vissaṭṭhāyāti asandiddhāya apalibuddhāya, pittasemhehi anupahatāyāti attho. Anelagalāyāti yathā dandhamanussā mukhena kheḷaṃ gaḷantena vācaṃ bhāsanti, na evarūpāya, atha kho niddosāya visadavācāya. Pariyāpannāyāti catusaccapariyāpannāya cattāri saccāni amuñcitvā pavattāya. Anissitāyāti vaṭṭanissitaṃ katvā akathitāya. Dhammo hi isinaṃ dhajoti navavidhalokuttaradhammo isīnaṃ dhajo nāmāti. Sattamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೭. ವಿಸಾಖಸುತ್ತಂ • 7. Visākhasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೭. ವಿಸಾಖಸುತ್ತವಣ್ಣನಾ • 7. Visākhasuttavaṇṇanā
