| Library / Tipiṭaka / তিপিটক • Tipiṭaka / থেরগাথাপাল়ি • Theragāthāpāḷi |
৫. ৰিসাখপঞ্চালপুত্তত্থেরগাথা
5. Visākhapañcālaputtattheragāthā
২০৯.
209.
‘‘ন উক্খিপে নো চ পরিক্খিপে পরে, ওক্খিপে পারগতং ন এরযে।
‘‘Na ukkhipe no ca parikkhipe pare, okkhipe pāragataṃ na eraye;
ন চত্তৰণ্ণং পরিসাসু ব্যাহরে, অনুদ্ধতো সম্মিতভাণি সুব্বতো॥
Na cattavaṇṇaṃ parisāsu byāhare, anuddhato sammitabhāṇi subbato.
২১০.
210.
‘‘সুসুখুমনিপুণত্থদস্সিনা, মতিকুসলেন নিৰাতৰুত্তিনা।
‘‘Susukhumanipuṇatthadassinā, matikusalena nivātavuttinā;
সংসেৰিতৰুদ্ধসীলিনা, নিব্বানং ন হি তেন দুল্লভ’’ন্তি॥
Saṃsevitavuddhasīlinā, nibbānaṃ na hi tena dullabha’’nti.
… ৰিসাখো পঞ্চালপুত্তো থেরো …।
… Visākho pañcālaputto thero ….
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরগাথা-অট্ঠকথা • Theragāthā-aṭṭhakathā / ৫. ৰিসাখপঞ্চালপুত্তত্থেরগাথাৰণ্ণনা • 5. Visākhapañcālaputtattheragāthāvaṇṇanā
