| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൩. വിരദ്ധസുത്തം
3. Viraddhasuttaṃ
൩൩. സാവത്ഥിനിദാനം. ‘‘യേസം കേസഞ്ചി, ഭിക്ഖവേ, അരിയോ അട്ഠങ്ഗികോ മഗ്ഗോ വിരദ്ധോ, വിരദ്ധോ തേസം അരിയോ അട്ഠങ്ഗികോ മഗ്ഗോ സമ്മാ ദുക്ഖക്ഖയഗാമീ. യേസം കേസഞ്ചി, ഭിക്ഖവേ, അരിയോ അട്ഠങ്ഗികോ മഗ്ഗോ ആരദ്ധോ, ആരദ്ധോ തേസം അരിയോ അട്ഠങ്ഗികോ മഗ്ഗോ സമ്മാ ദുക്ഖക്ഖയഗാമീ. കതമോ ച, ഭിക്ഖവേ, അരിയോ അട്ഠങ്ഗികോ മഗ്ഗോ? സേയ്യഥിദം – സമ്മാദിട്ഠി…പേ॰… സമ്മാസമാധി. യേസം കേസഞ്ചി, ഭിക്ഖവേ, അയം അരിയോ അട്ഠങ്ഗികോ മഗ്ഗോ വിരദ്ധോ, വിരദ്ധോ തേസം അരിയോ അട്ഠങ്ഗികോ മഗ്ഗോ സമ്മാ ദുക്ഖക്ഖയഗാമീ. യേസം കേസഞ്ചി, ഭിക്ഖവേ, അയം അരിയോ അട്ഠങ്ഗികോ മഗ്ഗോ ആരദ്ധോ, ആരദ്ധോ തേസം അരിയോ അട്ഠങ്ഗികോ മഗ്ഗോ സമ്മാ ദുക്ഖക്ഖയഗാമീ’’തി. തതിയം.
33. Sāvatthinidānaṃ. ‘‘Yesaṃ kesañci, bhikkhave, ariyo aṭṭhaṅgiko maggo viraddho, viraddho tesaṃ ariyo aṭṭhaṅgiko maggo sammā dukkhakkhayagāmī. Yesaṃ kesañci, bhikkhave, ariyo aṭṭhaṅgiko maggo āraddho, āraddho tesaṃ ariyo aṭṭhaṅgiko maggo sammā dukkhakkhayagāmī. Katamo ca, bhikkhave, ariyo aṭṭhaṅgiko maggo? Seyyathidaṃ – sammādiṭṭhi…pe… sammāsamādhi. Yesaṃ kesañci, bhikkhave, ayaṃ ariyo aṭṭhaṅgiko maggo viraddho, viraddho tesaṃ ariyo aṭṭhaṅgiko maggo sammā dukkhakkhayagāmī. Yesaṃ kesañci, bhikkhave, ayaṃ ariyo aṭṭhaṅgiko maggo āraddho, āraddho tesaṃ ariyo aṭṭhaṅgiko maggo sammā dukkhakkhayagāmī’’ti. Tatiyaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൪. പടിപത്തിവഗ്ഗവണ്ണനാ • 4. Paṭipattivaggavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൪. പടിപത്തിവഗ്ഗവണ്ണനാ • 4. Paṭipattivaggavaṇṇanā
