| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. ཝིརདྡྷསུཏྟཾ
3. Viraddhasuttaṃ
༣༩༩. ‘‘ཡེསཾ ཀེསཉྩི, བྷིཀྑཝེ, ཙཏྟཱརོ སཏིཔཊྛཱནཱ ཝིརདྡྷཱ, ཝིརདྡྷོ ཏེསཾ ཨརིཡོ མགྒོ 1 སམྨཱ དུཀྑཀྑཡགཱམཱི། ཡེསཾ ཀེསཉྩི, བྷིཀྑཝེ, ཙཏྟཱརོ སཏིཔཊྛཱནཱ ཨཱརདྡྷཱ, ཨཱརདྡྷོ ཏེསཾ ཨརིཡོ མགྒོ སམྨཱ དུཀྑཀྑཡགཱམཱི།
399. ‘‘Yesaṃ kesañci, bhikkhave, cattāro satipaṭṭhānā viraddhā, viraddho tesaṃ ariyo maggo 2 sammā dukkhakkhayagāmī. Yesaṃ kesañci, bhikkhave, cattāro satipaṭṭhānā āraddhā, āraddho tesaṃ ariyo maggo sammā dukkhakkhayagāmī.
‘‘ཀཏམེ ཙཏྟཱརོ? ཨིདྷ, བྷིཀྑཝེ, བྷིཀྑུ ཀཱཡེ ཀཱཡཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ, ཝིནེཡྻ ལོཀེ ཨབྷིཛ྄ཛྷཱདོམནསྶཾ; ཝེདནཱསུ…པེ॰… ཙིཏྟེ…པེ॰… དྷམྨེསུ དྷམྨཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ, ཝིནེཡྻ ལོཀེ ཨབྷིཛ྄ཛྷཱདོམནསྶཾ། ཡེསཾ ཀེསཉྩི , བྷིཀྑཝེ, ཨིམེ ཙཏྟཱརོ སཏིཔཊྛཱནཱ ཝིརདྡྷཱ, ཝིརདྡྷོ ཏེསཾ ཨརིཡོ མགྒོ སམྨཱ དུཀྑཀྑཡགཱམཱི། ཡེསཾ ཀེསཉྩི, བྷིཀྑཝེ, ཨིམེ ཙཏྟཱརོ སཏིཔཊྛཱནཱ ཨཱརདྡྷཱ, ཨཱརདྡྷོ ཏེསཾ ཨརིཡོ མགྒོ སམྨཱ དུཀྑཀྑཡགཱམཱི’’ཏི། ཏཏིཡཾ།
‘‘Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Yesaṃ kesañci , bhikkhave, ime cattāro satipaṭṭhānā viraddhā, viraddho tesaṃ ariyo maggo sammā dukkhakkhayagāmī. Yesaṃ kesañci, bhikkhave, ime cattāro satipaṭṭhānā āraddhā, āraddho tesaṃ ariyo maggo sammā dukkhakkhayagāmī’’ti. Tatiyaṃ.
Footnotes:
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. ཨནནུསྶུཏཝགྒཝཎྞནཱ • 4. Ananussutavaggavaṇṇanā
