| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. விரத்³த⁴ஸுத்தங்
2. Viraddhasuttaṃ
814. ‘‘யேஸங் கேஸஞ்சி, பி⁴க்க²வே, சத்தாரோ இத்³தி⁴பாதா³ விரத்³தா⁴, விரத்³தோ⁴ தேஸங் அரியோ மக்³கோ³ ஸம்மா து³க்க²க்க²யகா³மீ. யேஸங் கேஸஞ்சி, பி⁴க்க²வே, சத்தாரோ இத்³தி⁴பாதா³ ஆரத்³தா⁴, ஆரத்³தோ⁴ தேஸங் அரியோ மக்³கோ³ ஸம்மா து³க்க²க்க²யகா³மீ. கதமே சத்தாரோ? இத⁴, பி⁴க்க²வே, பி⁴க்கு² ச²ந்த³ஸமாதி⁴ப்பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி, வீரியஸமாதி⁴…பே॰… சித்தஸமாதி⁴…பே॰… வீமங்ஸாஸமாதி⁴ப்பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி. யேஸங் கேஸஞ்சி, பி⁴க்க²வே, இமே சத்தாரோ இத்³தி⁴பாதா³ விரத்³தா⁴, விரத்³தோ⁴ தேஸங் அரியோ மக்³கோ³ ஸம்மா து³க்க²க்க²யகா³மீ. யேஸங் கேஸஞ்சி, பி⁴க்க²வே, இமே சத்தாரோ இத்³தி⁴பாதா³ ஆரத்³தா⁴, ஆரத்³தோ⁴ தேஸங் அரியோ மக்³கோ³ ஸம்மா து³க்க²க்க²யகா³மீ’’தி. து³தியங்.
814. ‘‘Yesaṃ kesañci, bhikkhave, cattāro iddhipādā viraddhā, viraddho tesaṃ ariyo maggo sammā dukkhakkhayagāmī. Yesaṃ kesañci, bhikkhave, cattāro iddhipādā āraddhā, āraddho tesaṃ ariyo maggo sammā dukkhakkhayagāmī. Katame cattāro? Idha, bhikkhave, bhikkhu chandasamādhippadhānasaṅkhārasamannāgataṃ iddhipādaṃ bhāveti, vīriyasamādhi…pe… cittasamādhi…pe… vīmaṃsāsamādhippadhānasaṅkhārasamannāgataṃ iddhipādaṃ bhāveti. Yesaṃ kesañci, bhikkhave, ime cattāro iddhipādā viraddhā, viraddho tesaṃ ariyo maggo sammā dukkhakkhayagāmī. Yesaṃ kesañci, bhikkhave, ime cattāro iddhipādā āraddhā, āraddho tesaṃ ariyo maggo sammā dukkhakkhayagāmī’’ti. Dutiyaṃ.
