| Library / Tipiṭaka / तिपिटक • Tipiṭaka / धातुकथापाळि • Dhātukathāpāḷi |
८. अट्ठमनयो
8. Aṭṭhamanayo
८. विप्पयुत्तेनसम्पयुत्तपदनिद्देसो
8. Vippayuttenasampayuttapadaniddeso
३१७. रूपक्खन्धेन ये धम्मा विप्पयुत्ता, ते धम्मा कतिहि खन्धेहि कतिहायतनेहि कतिहि धातूहि सम्पयुत्ताति? नत्थि।
317. Rūpakkhandhena ye dhammā vippayuttā, te dhammā katihi khandhehi katihāyatanehi katihi dhātūhi sampayuttāti? Natthi.
३१८. वेदनाक्खन्धेन ये धम्मा… सञ्ञाक्खन्धेन ये धम्मा… सङ्खारक्खन्धेन ये धम्मा… विञ्ञाणक्खन्धेन ये धम्मा…पे॰… सरणेहि धम्मेहि ये धम्मा… अरणेहि धम्मेहि ये धम्मा विप्पयुत्ता, ते धम्मा कतिहि खन्धेहि कतिहायतनेहि कतिहि धातूहि सम्पयुत्ताति? नत्थि।
318. Vedanākkhandhena ye dhammā… saññākkhandhena ye dhammā… saṅkhārakkhandhena ye dhammā… viññāṇakkhandhena ye dhammā…pe… saraṇehi dhammehi ye dhammā… araṇehi dhammehi ye dhammā vippayuttā, te dhammā katihi khandhehi katihāyatanehi katihi dhātūhi sampayuttāti? Natthi.
धम्मायतनं धम्मधातु, अथ जीवितं नामरूपं।
Dhammāyatanaṃ dhammadhātu, atha jīvitaṃ nāmarūpaṃ;
सळायतनं जातिजरामतं, द्वे च तिके न लब्भरे॥
Saḷāyatanaṃ jātijarāmataṃ, dve ca tike na labbhare.
पठमन्तरे सत्त च, गोच्छके दस अपरन्ते।
Paṭhamantare satta ca, gocchake dasa aparante;
चुद्दस छ च मत्थके, इच्चेते सत्तचत्तालीस धम्मा।
Cuddasa cha ca matthake, iccete sattacattālīsa dhammā;
समुच्छेदे न लब्भन्ति, मोघपुच्छकेन चाति॥
Samucchede na labbhanti, moghapucchakena cāti.
विप्पयुत्तेनसम्पयुत्तपदनिद्देसो अट्ठमो।
Vippayuttenasampayuttapadaniddeso aṭṭhamo.
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ८. अट्ठमनयो विप्पयुत्तेनसम्पयुत्तपदवण्णना • 8. Aṭṭhamanayo vippayuttenasampayuttapadavaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ८. अट्ठमनयो विप्पयुत्तेनसम्पयुत्तपदवण्णना • 8. Aṭṭhamanayo vippayuttenasampayuttapadavaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ८. अट्ठमनयो विप्पयुत्तेनसम्पयुत्तपदवण्णना • 8. Aṭṭhamanayo vippayuttenasampayuttapadavaṇṇanā
