| Library / Tipiṭaka / తిపిటక • Tipiṭaka / పరివారపాళి • Parivārapāḷi |
౩. విపత్తివారో
3. Vipattivāro
౨౪౧. అవస్సుతా భిక్ఖునియా అవస్సుతస్స పురిసపుగ్గలస్స కాయసంసగ్గం సాదియన్తియా ఆపత్తియో చతున్నం విపత్తీనం కతి విపత్తియో భజన్తి? అవస్సుతాయ భిక్ఖునియా అవస్సుతస్స పురిసపుగ్గలస్స కాయసంసగ్గం సాదియన్తియా ఆపత్తియో చతున్నం విపత్తీనం ద్వే విపత్తియో భజన్తి – సియా సీలవిపత్తిం, సియా ఆచారవిపత్తిం…పే॰….
241. Avassutā bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo catunnaṃ vipattīnaṃ kati vipattiyo bhajanti? Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ…pe….
దధిం విఞ్ఞాపేత్వా భుఞ్జన్తియా ఆపత్తియో చతున్నం విపత్తీనం కతి విపత్తియో భజన్తి? దధిం విఞ్ఞాపేత్వా భుఞ్జన్తియా ఆపత్తియో చతున్నం విపత్తీనం ఏకం విపత్తిం భజన్తి – ఆచారవిపత్తిం.
Dadhiṃ viññāpetvā bhuñjantiyā āpattiyo catunnaṃ vipattīnaṃ kati vipattiyo bhajanti? Dadhiṃ viññāpetvā bhuñjantiyā āpattiyo catunnaṃ vipattīnaṃ ekaṃ vipattiṃ bhajanti – ācāravipattiṃ.
విపత్తివారో నిట్ఠితో తతియో.
Vipattivāro niṭṭhito tatiyo.
