| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
१०. विञ्ञत्ति सीलन्तिकथावण्णना
10. Viññatti sīlantikathāvaṇṇanā
६०१-६०२. इदानि विञ्ञत्ति सीलन्तिकथा नाम होति। तत्थ कायविञ्ञत्ति कायकम्मं, वचीविञ्ञत्ति वचीकम्मन्ति गहितत्ता ‘‘विञ्ञत्ति सील’’न्ति येसं लद्धि, सेय्यथापि महासंघिकानञ्चेव सम्मितियानञ्च; ते सन्धाय विञ्ञत्तीति पुच्छा सकवादिस्स, पटिञ्ञा इतरस्स। अथ नं यस्मा सीलं नाम विरति, न रूपधम्मो, तस्मा तेनत्थेन चोदेतुं पाणातिपाता वेरमणीतिआदिमाह। अभिवादनं सीलन्तिआदि यथारूपं विञ्ञत्तिं सो ‘‘सील’’न्ति मञ्ञति तं उद्धरित्वा दस्सेतुं वुत्तं। यस्मा पन सा विरति न होति, तस्मा पुन पाणातिपातातिआदिमाह। लद्धि पनस्स छलेन पतिट्ठितत्ता अप्पतिट्ठितायेवाति।
601-602. Idāni viññatti sīlantikathā nāma hoti. Tattha kāyaviññatti kāyakammaṃ, vacīviññatti vacīkammanti gahitattā ‘‘viññatti sīla’’nti yesaṃ laddhi, seyyathāpi mahāsaṃghikānañceva sammitiyānañca; te sandhāya viññattīti pucchā sakavādissa, paṭiññā itarassa. Atha naṃ yasmā sīlaṃ nāma virati, na rūpadhammo, tasmā tenatthena codetuṃ pāṇātipātā veramaṇītiādimāha. Abhivādanaṃ sīlantiādi yathārūpaṃ viññattiṃ so ‘‘sīla’’nti maññati taṃ uddharitvā dassetuṃ vuttaṃ. Yasmā pana sā virati na hoti, tasmā puna pāṇātipātātiādimāha. Laddhi panassa chalena patiṭṭhitattā appatiṭṭhitāyevāti.
विञ्ञत्ति सीलन्तिकथावण्णना।
Viññatti sīlantikathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१०४) १०. विञ्ञत्ति सीलन्तिकथा • (104) 10. Viññatti sīlantikathā
