| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
১০. ৰিঞ্ঞত্তি সীলন্তিকথাৰণ্ণনা
10. Viññatti sīlantikathāvaṇṇanā
৬০১-৬০২. ইদানি ৰিঞ্ঞত্তি সীলন্তিকথা নাম হোতি। তত্থ কাযৰিঞ্ঞত্তি কাযকম্মং, ৰচীৰিঞ্ঞত্তি ৰচীকম্মন্তি গহিতত্তা ‘‘ৰিঞ্ঞত্তি সীল’’ন্তি যেসং লদ্ধি, সেয্যথাপি মহাসংঘিকানঞ্চেৰ সম্মিতিযানঞ্চ; তে সন্ধায ৰিঞ্ঞত্তীতি পুচ্ছা সকৰাদিস্স, পটিঞ্ঞা ইতরস্স। অথ নং যস্মা সীলং নাম ৰিরতি, ন রূপধম্মো, তস্মা তেনত্থেন চোদেতুং পাণাতিপাতা ৰেরমণীতিআদিমাহ। অভিৰাদনং সীলন্তিআদি যথারূপং ৰিঞ্ঞত্তিং সো ‘‘সীল’’ন্তি মঞ্ঞতি তং উদ্ধরিত্ৰা দস্সেতুং ৰুত্তং। যস্মা পন সা ৰিরতি ন হোতি, তস্মা পুন পাণাতিপাতাতিআদিমাহ। লদ্ধি পনস্স ছলেন পতিট্ঠিতত্তা অপ্পতিট্ঠিতাযেৰাতি।
601-602. Idāni viññatti sīlantikathā nāma hoti. Tattha kāyaviññatti kāyakammaṃ, vacīviññatti vacīkammanti gahitattā ‘‘viññatti sīla’’nti yesaṃ laddhi, seyyathāpi mahāsaṃghikānañceva sammitiyānañca; te sandhāya viññattīti pucchā sakavādissa, paṭiññā itarassa. Atha naṃ yasmā sīlaṃ nāma virati, na rūpadhammo, tasmā tenatthena codetuṃ pāṇātipātā veramaṇītiādimāha. Abhivādanaṃ sīlantiādi yathārūpaṃ viññattiṃ so ‘‘sīla’’nti maññati taṃ uddharitvā dassetuṃ vuttaṃ. Yasmā pana sā virati na hoti, tasmā puna pāṇātipātātiādimāha. Laddhi panassa chalena patiṭṭhitattā appatiṭṭhitāyevāti.
ৰিঞ্ঞত্তি সীলন্তিকথাৰণ্ণনা।
Viññatti sīlantikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১০৪) ১০. ৰিঞ্ঞত্তি সীলন্তিকথা • (104) 10. Viññatti sīlantikathā
