| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൦. ദസമവഗ്ഗോ
10. Dasamavaggo
(൧൦൪) ൧൦. വിഞ്ഞത്തി സീലന്തികഥാ
(104) 10. Viññatti sīlantikathā
൬൦൧. വിഞ്ഞത്തി സീലന്തി? ആമന്താ. പാണാതിപാതാ വേരമണീതി? ന ഹേവം വത്തബ്ബേ…പേ॰… അദിന്നാദാനാ വേരമണീതി? ന ഹേവം വത്തബ്ബേ…പേ॰… കാമേസുമിച്ഛാചാരാ വേരമണീതി? ന ഹേവം വത്തബ്ബേ …പേ॰… മുസാവാദാ വേരമണീതി? ന ഹേവം വത്തബ്ബേ…പേ॰… സുരാമേരയമജ്ജപമാദട്ഠാനാ വേരമണീതി? ന ഹേവം വത്തബ്ബേ…പേ॰….
601. Viññatti sīlanti? Āmantā. Pāṇātipātā veramaṇīti? Na hevaṃ vattabbe…pe… adinnādānā veramaṇīti? Na hevaṃ vattabbe…pe… kāmesumicchācārā veramaṇīti? Na hevaṃ vattabbe …pe… musāvādā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
അഭിവാദനം സീലം, പച്ചുട്ഠാനം സീലം, അഞ്ജലികമ്മം സീലം, സാമീചികമ്മം സീലം, ആസനാഭിഹാരോ സീലം, സേയ്യാഭിഹാരോ സീലം, പാദോദകാഭിഹാരോ സീലം, പാദകഥലികാഭിഹാരോ സീലം, ന്ഹാനേ പിട്ഠിപരികമ്മം സീലന്തി? ആമന്താ . പാണാതിപാതാ വേരമണീതി? ന ഹേവം വത്തബ്ബേ…പേ॰… സുരാമേരയമജ്ജപമാദട്ഠാനാ വേരമണീതി? ന ഹേവം വത്തബ്ബേ…പേ॰….
Abhivādanaṃ sīlaṃ, paccuṭṭhānaṃ sīlaṃ, añjalikammaṃ sīlaṃ, sāmīcikammaṃ sīlaṃ, āsanābhihāro sīlaṃ, seyyābhihāro sīlaṃ, pādodakābhihāro sīlaṃ, pādakathalikābhihāro sīlaṃ, nhāne piṭṭhiparikammaṃ sīlanti? Āmantā . Pāṇātipātā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
൬൦൨. ന വത്തബ്ബം – ‘‘വിഞ്ഞത്തി സീല’’ന്തി? ആമന്താ. ദുസ്സില്യന്തി? ന ഹേവം വത്തബ്ബേ…പേ॰… തേന ഹി വിഞ്ഞത്തി സീലന്തി.
602. Na vattabbaṃ – ‘‘viññatti sīla’’nti? Āmantā. Dussilyanti? Na hevaṃ vattabbe…pe… tena hi viññatti sīlanti.
വിഞ്ഞത്തി സീലന്തികഥാ നിട്ഠിതാ.
Viññatti sīlantikathā niṭṭhitā.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൦. വിഞ്ഞത്തി സീലന്തികഥാവണ്ണനാ • 10. Viññatti sīlantikathāvaṇṇanā
