| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೦. ದಸಮವಗ್ಗೋ
10. Dasamavaggo
(೧೦೪) ೧೦. ವಿಞ್ಞತ್ತಿ ಸೀಲನ್ತಿಕಥಾ
(104) 10. Viññatti sīlantikathā
೬೦೧. ವಿಞ್ಞತ್ತಿ ಸೀಲನ್ತಿ? ಆಮನ್ತಾ। ಪಾಣಾತಿಪಾತಾ ವೇರಮಣೀತಿ? ನ ಹೇವಂ ವತ್ತಬ್ಬೇ…ಪೇ॰… ಅದಿನ್ನಾದಾನಾ ವೇರಮಣೀತಿ? ನ ಹೇವಂ ವತ್ತಬ್ಬೇ…ಪೇ॰… ಕಾಮೇಸುಮಿಚ್ಛಾಚಾರಾ ವೇರಮಣೀತಿ? ನ ಹೇವಂ ವತ್ತಬ್ಬೇ …ಪೇ॰… ಮುಸಾವಾದಾ ವೇರಮಣೀತಿ? ನ ಹೇವಂ ವತ್ತಬ್ಬೇ…ಪೇ॰… ಸುರಾಮೇರಯಮಜ್ಜಪಮಾದಟ್ಠಾನಾ ವೇರಮಣೀತಿ? ನ ಹೇವಂ ವತ್ತಬ್ಬೇ…ಪೇ॰…।
601. Viññatti sīlanti? Āmantā. Pāṇātipātā veramaṇīti? Na hevaṃ vattabbe…pe… adinnādānā veramaṇīti? Na hevaṃ vattabbe…pe… kāmesumicchācārā veramaṇīti? Na hevaṃ vattabbe …pe… musāvādā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
ಅಭಿವಾದನಂ ಸೀಲಂ, ಪಚ್ಚುಟ್ಠಾನಂ ಸೀಲಂ, ಅಞ್ಜಲಿಕಮ್ಮಂ ಸೀಲಂ, ಸಾಮೀಚಿಕಮ್ಮಂ ಸೀಲಂ, ಆಸನಾಭಿಹಾರೋ ಸೀಲಂ, ಸೇಯ್ಯಾಭಿಹಾರೋ ಸೀಲಂ, ಪಾದೋದಕಾಭಿಹಾರೋ ಸೀಲಂ, ಪಾದಕಥಲಿಕಾಭಿಹಾರೋ ಸೀಲಂ, ನ್ಹಾನೇ ಪಿಟ್ಠಿಪರಿಕಮ್ಮಂ ಸೀಲನ್ತಿ? ಆಮನ್ತಾ । ಪಾಣಾತಿಪಾತಾ ವೇರಮಣೀತಿ? ನ ಹೇವಂ ವತ್ತಬ್ಬೇ…ಪೇ॰… ಸುರಾಮೇರಯಮಜ್ಜಪಮಾದಟ್ಠಾನಾ ವೇರಮಣೀತಿ? ನ ಹೇವಂ ವತ್ತಬ್ಬೇ…ಪೇ॰…।
Abhivādanaṃ sīlaṃ, paccuṭṭhānaṃ sīlaṃ, añjalikammaṃ sīlaṃ, sāmīcikammaṃ sīlaṃ, āsanābhihāro sīlaṃ, seyyābhihāro sīlaṃ, pādodakābhihāro sīlaṃ, pādakathalikābhihāro sīlaṃ, nhāne piṭṭhiparikammaṃ sīlanti? Āmantā . Pāṇātipātā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
೬೦೨. ನ ವತ್ತಬ್ಬಂ – ‘‘ವಿಞ್ಞತ್ತಿ ಸೀಲ’’ನ್ತಿ? ಆಮನ್ತಾ। ದುಸ್ಸಿಲ್ಯನ್ತಿ? ನ ಹೇವಂ ವತ್ತಬ್ಬೇ…ಪೇ॰… ತೇನ ಹಿ ವಿಞ್ಞತ್ತಿ ಸೀಲನ್ತಿ।
602. Na vattabbaṃ – ‘‘viññatti sīla’’nti? Āmantā. Dussilyanti? Na hevaṃ vattabbe…pe… tena hi viññatti sīlanti.
ವಿಞ್ಞತ್ತಿ ಸೀಲನ್ತಿಕಥಾ ನಿಟ್ಠಿತಾ।
Viññatti sīlantikathā niṭṭhitā.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೦. ವಿಞ್ಞತ್ತಿ ಸೀಲನ್ತಿಕಥಾವಣ್ಣನಾ • 10. Viññatti sīlantikathāvaṇṇanā
