| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. ཝིཉྙཱཎསུཏྟཾ
3. Viññāṇasuttaṃ
༣༢༤. སཱཝཏྠིནིདཱནཾ། ‘‘ཡོ, བྷིཀྑཝེ, ཙཀྑུཝིཉྙཱཎསྨིཾ ཚནྡརཱགོ, ཙིཏྟསྶེསོ ཨུཔཀྐིལེསོ། ཡོ སོཏཝིཉྙཱཎསྨིཾ… ཡོ གྷཱནཝིཉྙཱཎསྨིཾ… ཡོ ཛིཝ྄ཧཱཝིཉྙཱཎསྨིཾ… ཡོ ཀཱཡཝིཉྙཱཎསྨིཾ… ཡོ མནོཝིཉྙཱཎསྨིཾ ཚནྡརཱགོ, ཙིཏྟསྶེསོ ཨུཔཀྐིལེསོ། ཡཏོ ཁོ , བྷིཀྑཝེ, བྷིཀྑུནོ ཨིམེསུ ཚསུ ཋཱནེསུ ཙེཏསོ ཨུཔཀྐིལེསོ པཧཱིནོ ཧོཏི, ནེཀྑམྨནིནྣཉྩསྶ ཙིཏྟཾ ཧོཏི། ནེཀྑམྨཔརིབྷཱཝིཏཾ ཙིཏྟཾ ཀམྨནིཡཾ ཁཱཡཏི, ཨབྷིཉྙཱ སཙྪིཀརཎཱིཡེསུ དྷམྨེསཱུ’’ཏི། ཏཏིཡཾ།
324. Sāvatthinidānaṃ. ‘‘Yo, bhikkhave, cakkhuviññāṇasmiṃ chandarāgo, cittasseso upakkileso. Yo sotaviññāṇasmiṃ… yo ghānaviññāṇasmiṃ… yo jivhāviññāṇasmiṃ… yo kāyaviññāṇasmiṃ… yo manoviññāṇasmiṃ chandarāgo, cittasseso upakkileso. Yato kho , bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༦. ཀིལེསསཾཡུཏྟཝཎྞནཱ • 6. Kilesasaṃyuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦. ཀིལེསསཾཡུཏྟཝཎྞནཱ • 6. Kilesasaṃyuttavaṇṇanā
