| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೩. ವಿಞ್ಞಾಣಸುತ್ತಂ
3. Viññāṇasuttaṃ
೩೨೪. ಸಾವತ್ಥಿನಿದಾನಂ। ‘‘ಯೋ, ಭಿಕ್ಖವೇ, ಚಕ್ಖುವಿಞ್ಞಾಣಸ್ಮಿಂ ಛನ್ದರಾಗೋ, ಚಿತ್ತಸ್ಸೇಸೋ ಉಪಕ್ಕಿಲೇಸೋ। ಯೋ ಸೋತವಿಞ್ಞಾಣಸ್ಮಿಂ… ಯೋ ಘಾನವಿಞ್ಞಾಣಸ್ಮಿಂ… ಯೋ ಜಿವ್ಹಾವಿಞ್ಞಾಣಸ್ಮಿಂ… ಯೋ ಕಾಯವಿಞ್ಞಾಣಸ್ಮಿಂ… ಯೋ ಮನೋವಿಞ್ಞಾಣಸ್ಮಿಂ ಛನ್ದರಾಗೋ, ಚಿತ್ತಸ್ಸೇಸೋ ಉಪಕ್ಕಿಲೇಸೋ। ಯತೋ ಖೋ , ಭಿಕ್ಖವೇ, ಭಿಕ್ಖುನೋ ಇಮೇಸು ಛಸು ಠಾನೇಸು ಚೇತಸೋ ಉಪಕ್ಕಿಲೇಸೋ ಪಹೀನೋ ಹೋತಿ, ನೇಕ್ಖಮ್ಮನಿನ್ನಞ್ಚಸ್ಸ ಚಿತ್ತಂ ಹೋತಿ। ನೇಕ್ಖಮ್ಮಪರಿಭಾವಿತಂ ಚಿತ್ತಂ ಕಮ್ಮನಿಯಂ ಖಾಯತಿ, ಅಭಿಞ್ಞಾ ಸಚ್ಛಿಕರಣೀಯೇಸು ಧಮ್ಮೇಸೂ’’ತಿ। ತತಿಯಂ।
324. Sāvatthinidānaṃ. ‘‘Yo, bhikkhave, cakkhuviññāṇasmiṃ chandarāgo, cittasseso upakkileso. Yo sotaviññāṇasmiṃ… yo ghānaviññāṇasmiṃ… yo jivhāviññāṇasmiṃ… yo kāyaviññāṇasmiṃ… yo manoviññāṇasmiṃ chandarāgo, cittasseso upakkileso. Yato kho , bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Tatiyaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೬. ಕಿಲೇಸಸಂಯುತ್ತವಣ್ಣನಾ • 6. Kilesasaṃyuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೬. ಕಿಲೇಸಸಂಯುತ್ತವಣ್ಣನಾ • 6. Kilesasaṃyuttavaṇṇanā
