| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౩. విఞ్ఞాణసుత్తం
3. Viññāṇasuttaṃ
౩౨౪. సావత్థినిదానం. ‘‘యో, భిక్ఖవే, చక్ఖువిఞ్ఞాణస్మిం ఛన్దరాగో, చిత్తస్సేసో ఉపక్కిలేసో. యో సోతవిఞ్ఞాణస్మిం… యో ఘానవిఞ్ఞాణస్మిం… యో జివ్హావిఞ్ఞాణస్మిం… యో కాయవిఞ్ఞాణస్మిం… యో మనోవిఞ్ఞాణస్మిం ఛన్దరాగో, చిత్తస్సేసో ఉపక్కిలేసో. యతో ఖో , భిక్ఖవే, భిక్ఖునో ఇమేసు ఛసు ఠానేసు చేతసో ఉపక్కిలేసో పహీనో హోతి, నేక్ఖమ్మనిన్నఞ్చస్స చిత్తం హోతి. నేక్ఖమ్మపరిభావితం చిత్తం కమ్మనియం ఖాయతి, అభిఞ్ఞా సచ్ఛికరణీయేసు ధమ్మేసూ’’తి. తతియం.
324. Sāvatthinidānaṃ. ‘‘Yo, bhikkhave, cakkhuviññāṇasmiṃ chandarāgo, cittasseso upakkileso. Yo sotaviññāṇasmiṃ… yo ghānaviññāṇasmiṃ… yo jivhāviññāṇasmiṃ… yo kāyaviññāṇasmiṃ… yo manoviññāṇasmiṃ chandarāgo, cittasseso upakkileso. Yato kho , bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Tatiyaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౬. కిలేససంయుత్తవణ్ణనా • 6. Kilesasaṃyuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౬. కిలేససంయుత్తవణ్ణనా • 6. Kilesasaṃyuttavaṇṇanā
