| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
вин̃н̃аан̣ан̃жааяад̇анам̣
Viññāṇañcāyatanaṃ
266. аагаасаанан̃жааяад̇анам̣ самад̇иггаммаад̇и, зд̇т̇а д̇аава буб̣б̣з вуд̇д̇анаязна аагаасаанан̃жам̣ ааяад̇анамасса ад̇хидтаанадтзнаад̇и жхаанамби аагаасаанан̃жааяад̇анам̣. вуд̇д̇анаязнзва аарамман̣амби. звамзд̇ам̣ жхаанан̃жа аарамман̣ан̃жаад̇и убхаяамби аббавад̇д̇игаран̣зна жа аманасигаран̣зна жа самад̇иггамид̇ваава яасмаа ид̣̇ам̣ вин̃н̃аан̣ан̃жааяад̇анам̣ убасамбаж̇ж̇а вихаад̇аб̣б̣ам̣, д̇асмаа убхаяамбзд̇ам̣ згаж̇жхам̣ гад̇ваа ‘аагаасаанан̃жааяад̇анам̣ самад̇иггаммаа’д̇и ид̣̇ам̣ вуд̇д̇анд̇и взд̣̇ид̇аб̣б̣ам̣.
266. Ākāsānañcāyatanaṃ samatikkammāti, ettha tāva pubbe vuttanayena ākāsānañcaṃ āyatanamassa adhiṭṭhānaṭṭhenāti jhānampi ākāsānañcāyatanaṃ. Vuttanayeneva ārammaṇampi. Evametaṃ jhānañca ārammaṇañcāti ubhayampi appavattikaraṇena ca amanasikaraṇena ca samatikkamitvāva yasmā idaṃ viññāṇañcāyatanaṃ upasampajja vihātabbaṃ, tasmā ubhayampetaṃ ekajjhaṃ katvā ‘ākāsānañcāyatanaṃ samatikkammā’ti idaṃ vuttanti veditabbaṃ.
вин̃н̃аан̣ан̃жааяад̇анасан̃н̃аасахаг̇ад̇анд̇и, зд̇т̇а бана ананд̇анд̇и манасигаад̇аб̣б̣авасзна наасса анд̇од̇и ананд̇ам̣. ананд̇амзва аанан̃жам̣. вин̃н̃аан̣ам̣ аанан̃жам̣ вин̃н̃аан̣аанан̃жанд̇и авад̇ваа вин̃н̃аан̣ан̃жанд̇и вуд̇д̇ам̣. аяан̃хзд̇т̇а руул̣хийсад̣̇д̣̇о. д̇ад̣̇зва вин̃н̃аан̣ан̃жам̣ ад̇хидтаанадтзна имааяа сан̃н̃ааяа ааяад̇ананд̇и вин̃н̃аан̣ан̃жааяад̇анам̣. д̇асмим̣ вин̃н̃аан̣ан̃жааяад̇анз бавад̇д̇ааяа сан̃н̃ааяа сахаг̇ад̇анд̇и вин̃н̃аан̣ан̃жааяад̇анасан̃н̃аасахаг̇ад̇ам̣. аагаасз бавад̇д̇авин̃н̃аан̣аарамман̣асса жхаанассзд̇ам̣ ад̇хиважанам̣. ид̇ха аагаасаанан̃жааяад̇анасамаабад̇д̇ияаа ниганд̇ибарияаад̣̇аанад̣̇угкад̇ааяа д̣̇угкаа бадибад̣̇аа, барияаад̣̇иннаниганд̇игасса аббанаабариваасад̣̇анд̇хад̇ааяа д̣̇анд̇хаабхин̃н̃аа. вибарияааязна сукаа бадибад̣̇аа киббаабхин̃н̃аа жа. барид̇д̇агасин̣уг̇гхаадимаагаасаарамман̣ам̣ самаабад̇д̇им̣ аараб̣бха бавад̇д̇ияаа барид̇д̇аарамман̣ад̇аа, вибарияааязна аббамаан̣аарамман̣ад̇аа взд̣̇ид̇аб̣б̣аа. сзсам̣ буримасад̣̇исамзва.
Viññāṇañcāyatanasaññāsahagatanti, ettha pana anantanti manasikātabbavasena nāssa antoti anantaṃ. Anantameva ānañcaṃ. Viññāṇaṃ ānañcaṃ viññāṇānañcanti avatvā viññāṇañcanti vuttaṃ. Ayañhettha rūḷhīsaddo. Tadeva viññāṇañcaṃ adhiṭṭhānaṭṭhena imāya saññāya āyatananti viññāṇañcāyatanaṃ. Tasmiṃ viññāṇañcāyatane pavattāya saññāya sahagatanti viññāṇañcāyatanasaññāsahagataṃ. Ākāse pavattaviññāṇārammaṇassa jhānassetaṃ adhivacanaṃ. Idha ākāsānañcāyatanasamāpattiyā nikantipariyādānadukkhatāya dukkhā paṭipadā, pariyādinnanikantikassa appanāparivāsadandhatāya dandhābhiññā. Vipariyāyena sukhā paṭipadā khippābhiññā ca. Parittakasiṇugghāṭimākāsārammaṇaṃ samāpattiṃ ārabbha pavattiyā parittārammaṇatā, vipariyāyena appamāṇārammaṇatā veditabbā. Sesaṃ purimasadisameva.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / аруубааважарагусалам̣ • Arūpāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / аруубааважарагусалагат̇ааван̣н̣анаа • Arūpāvacarakusalakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / аруубааважарагусалагат̇ааван̣н̣анаа • Arūpāvacarakusalakathāvaṇṇanā
