| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
ৰিনীতৰত্থুৰণ্ণনা
Vinītavatthuvaṇṇanā
২৮১. তিণণ্ডুপকন্তি হিরিৰেরাদিমূলানি গহেত্ৰা কত্তব্বং। তালপণ্ণমুদ্দিকন্তি তালপণ্ণমযং অঙ্গুলিমুদ্দিকং, তেন তালপণ্ণমযং কটং, কটিসুত্তকং, কণ্ণপিল়ন্ধনাদি সব্বং ন ৰট্টতীতি সিদ্ধং। তম্বপণ্ণিৰাসিনো ইত্থিরূপং লিখিতং, কটিকপটঞ্চ ন ছুপন্তি কির। আকরতো মুত্তমত্তো। রতনমিস্সোতি অলঙ্কারত্থং কতো কঞ্চনলতাদিৰিনদ্ধো। সুৰণ্ণেন সদ্ধিং যোজেত্ৰা পচিত্ৰাতি সুৰণ্ণরসং পক্খিপিত্ৰা পচিত্ৰা। বীজতো ধাতুপাসাণতো পট্ঠায। থেরো ন কপ্পতীতি ‘‘তুম্হাকং পেসিত’’ন্তি ৰুত্তত্তা। ‘‘চেতিযস্স পূজং করোথা’’তি ৰুত্তে ৰট্টতি কির। বুব্বুল়কং তারকং। আরকূটলোহম্পি জাতরূপগতিকমেৰ।
281.Tiṇaṇḍupakanti hiriverādimūlāni gahetvā kattabbaṃ. Tālapaṇṇamuddikanti tālapaṇṇamayaṃ aṅgulimuddikaṃ, tena tālapaṇṇamayaṃ kaṭaṃ, kaṭisuttakaṃ, kaṇṇapiḷandhanādi sabbaṃ na vaṭṭatīti siddhaṃ. Tambapaṇṇivāsino itthirūpaṃ likhitaṃ, kaṭikapaṭañca na chupanti kira. Ākarato muttamatto. Ratanamissoti alaṅkāratthaṃ kato kañcanalatādivinaddho. Suvaṇṇena saddhiṃ yojetvā pacitvāti suvaṇṇarasaṃ pakkhipitvā pacitvā. Bījato dhātupāsāṇato paṭṭhāya. Thero na kappatīti ‘‘tumhākaṃ pesita’’nti vuttattā. ‘‘Cetiyassa pūjaṃ karothā’’ti vutte vaṭṭati kira. Bubbuḷakaṃ tārakaṃ. Ārakūṭalohampi jātarūpagatikameva.
ৰুত্তঞ্হেতং অন্ধকট্ঠকথাযং –
Vuttañhetaṃ andhakaṭṭhakathāyaṃ –
‘‘আরকূটলোহং সুৰণ্ণসদিসমেৰ, সুৰণ্ণং অনুলোমেতি, অনামাস’’ন্তি।
‘‘Ārakūṭalohaṃ suvaṇṇasadisameva, suvaṇṇaṃ anulometi, anāmāsa’’nti.
‘‘ভেসজ্জত্থায পন ৰট্টতী’’তি ৰচনতো মহাঅট্ঠকথাযং ৰুত্তনযেকদেসোপি অনুঞ্ঞাতো হোতীতি তত্থ তত্থ অধিপ্পাযং ঞত্ৰা ৰিভাৰেতব্বং।
‘‘Bhesajjatthāya pana vaṭṭatī’’ti vacanato mahāaṭṭhakathāyaṃ vuttanayekadesopi anuññāto hotīti tattha tattha adhippāyaṃ ñatvā vibhāvetabbaṃ.
কাযসংসগ্গসিক্খাপদৰণ্ণনা নিট্ঠিতা।
Kāyasaṃsaggasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ২. কাযসংসগ্গসিক্খাপদং • 2. Kāyasaṃsaggasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ২. কাযসংসগ্গসিক্খাপদৰণ্ণনা • 2. Kāyasaṃsaggasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ২. কাযসংসগ্গসিক্খাপদৰণ্ণনা • 2. Kāyasaṃsaggasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ২. কাযসংসগ্গসিক্খাপদৰণ্ণনা • 2. Kāyasaṃsaggasikkhāpadavaṇṇanā
