| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
ৰিনীতৰত্থুৰণ্ণনা
Vinītavatthuvaṇṇanā
১৩২. অনাপত্তি, ভিক্খু, চিত্তুপ্পাদেতি এত্থ কেৰলং চিত্তং, তস্সেৰ উপ্পাদেতব্বাপত্তীহি অনাপত্তীতি অত্থো। এত্থাহ – উপনিক্খিত্তসাদিযনাদীসু, সব্বেসু চ অকিরিযসিক্খাপদেসু ন কাযঙ্গচোপনং ৰা ৰাচঙ্গচোপনং ৰা, অপিচাপত্তি, কস্মা ইমস্মিংযেৰ সিক্খাপদে অনাপত্তি, ন সব্বাপত্তীহীতি? ন, কস্মা।
132.Anāpatti, bhikkhu, cittuppādeti ettha kevalaṃ cittaṃ, tasseva uppādetabbāpattīhi anāpattīti attho. Etthāha – upanikkhittasādiyanādīsu, sabbesu ca akiriyasikkhāpadesu na kāyaṅgacopanaṃ vā vācaṅgacopanaṃ vā, apicāpatti, kasmā imasmiṃyeva sikkhāpade anāpatti, na sabbāpattīhīti? Na, kasmā.
কত্তব্বা সাধিকং সিক্খা, ৰিঞ্ঞত্তিং কাযৰাচিকং।
Kattabbā sādhikaṃ sikkhā, viññattiṃ kāyavācikaṃ;
অকত্ৰা কাযৰাচাহি, অৰিঞ্ঞত্তীহি তং ফুসে॥
Akatvā kāyavācāhi, aviññattīhi taṃ phuse.
ন লেসভাৰত্তা। সপ্পাযে আরম্মণে অট্ঠত্ৰা পটিলদ্ধাসেৰনং হুত্ৰা ততো পরং সুট্ঠু ধাৰতীতি সন্ধাৰতি। ততো অভিজ্ঝায সহগতং, ব্যাপাদসহগতং ৰা হুত্ৰা ৰিসেসতো ধাৰতীতি ৰিধাৰতি।
Na lesabhāvattā. Sappāye ārammaṇe aṭṭhatvā paṭiladdhāsevanaṃ hutvā tato paraṃ suṭṭhu dhāvatīti sandhāvati. Tato abhijjhāya sahagataṃ, byāpādasahagataṃ vā hutvā visesato dhāvatīti vidhāvati.
১৩৭. ৰণং কত্ৰা গহেতুন্তি এত্থ কিঞ্চাপি ইমিনা সিক্খাপদেন অনাপত্তি, ইত্থিরূপস্স নাম যত্থ আমসন্তস্স দুক্কটন্তি কেচি। ‘‘কাযপটিবদ্ধগ্গহণং যুত্তং, তং সন্ধায ৰট্টতীতি ৰুত্ত’’ন্তি ৰদন্তি। উভযং ৰিচারেত্ৰা গহেতব্বং।
137.Vaṇaṃ katvā gahetunti ettha kiñcāpi iminā sikkhāpadena anāpatti, itthirūpassa nāma yattha āmasantassa dukkaṭanti keci. ‘‘Kāyapaṭibaddhaggahaṇaṃ yuttaṃ, taṃ sandhāya vaṭṭatīti vutta’’nti vadanti. Ubhayaṃ vicāretvā gahetabbaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ২. দুতিযপারাজিকং • 2. Dutiyapārājikaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ২. দুতিযপারাজিকং • 2. Dutiyapārājikaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৰিনীতৰত্থুৰণ্ণনা • Vinītavatthuvaṇṇanā
