| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༨༠. ཝིནཡཝིསྶཛྫནཀཐཱ
80. Vinayavissajjanakathā
༡༥༢. ཏེན ཁོ པན སམཡེན ཚབྦགྒིཡཱ བྷིཀྑཱུ སངྒྷམཛ྄ཛྷེ ཨསམྨཏཱ ཝིནཡཾ ཝིསྶཛྫེནྟི 1། བྷགཝཏོ ཨེཏམཏྠཾ ཨཱརོཙེསུཾ། ན, བྷིཀྑཝེ, སངྒྷམཛ྄ཛྷེ ཨསམྨཏེན ཝིནཡོ ཝིསྶཛྫེཏབྦོ། ཡོ ཝིསྶཛྫེཡྻ, ཨཱཔཏྟི དུཀྐཊསྶ། ཨནུཛཱནཱམི, བྷིཀྑཝེ, སངྒྷམཛ྄ཛྷེ སམྨཏེན ཝིནཡཾ ཝིསྶཛྫེཏུཾ། ཨེཝཉྩ པན, བྷིཀྑཝེ, སམྨནྣིཏབྦཾ། ཨཏྟནཱ ཝཱ 2 ཨཏྟཱནཾ སམྨནྣིཏབྦཾ, པརེན ཝཱ པརོ སམྨནྣིཏབྦོ། ཀཐཉྩ ཨཏྟནཱཝ ཨཏྟཱནཾ སམྨནྣིཏབྦཾ? བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –
152. Tena kho pana samayena chabbaggiyā bhikkhū saṅghamajjhe asammatā vinayaṃ vissajjenti 3. Bhagavato etamatthaṃ ārocesuṃ. Na, bhikkhave, saṅghamajjhe asammatena vinayo vissajjetabbo. Yo vissajjeyya, āpatti dukkaṭassa. Anujānāmi, bhikkhave, saṅghamajjhe sammatena vinayaṃ vissajjetuṃ. Evañca pana, bhikkhave, sammannitabbaṃ. Attanā vā 4 attānaṃ sammannitabbaṃ, parena vā paro sammannitabbo. Kathañca attanāva attānaṃ sammannitabbaṃ? Byattena bhikkhunā paṭibalena saṅgho ñāpetabbo –
‘‘སུཎཱཏུ མེ, བྷནྟེ, སངྒྷོ། ཡདི སངྒྷསྶ པཏྟཀལླཾ, ཨཧཾ ཨིཏྠནྣཱམེན ཝིནཡཾ པུཊྛོ ཝིསྶཛྫེཡྻ’’ནྟི། ཨེཝཾ ཨཏྟནཱཝ ཨཏྟཱནཾ སམྨནྣིཏབྦཾ།
‘‘Suṇātu me, bhante, saṅgho. Yadi saṅghassa pattakallaṃ, ahaṃ itthannāmena vinayaṃ puṭṭho vissajjeyya’’nti. Evaṃ attanāva attānaṃ sammannitabbaṃ.
ཀཐཉྩ པརེན པརོ སམྨནྣིཏབྦོ? བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –
Kathañca parena paro sammannitabbo? Byattena bhikkhunā paṭibalena saṅgho ñāpetabbo –
‘‘སུཎཱཏུ མེ, བྷནྟེ, སངྒྷོ། ཡདི སངྒྷསྶ པཏྟཀལླཾ, ཨིཏྠནྣཱམོ ཨིཏྠནྣཱམེན ཝིནཡཾ པུཊྛོ ཝིསྶཛྫེཡྻཱ’’ཏི། ཨེཝཾ པརེན པརོ སམྨནྣིཏབྦོཏི།
‘‘Suṇātu me, bhante, saṅgho. Yadi saṅghassa pattakallaṃ, itthannāmo itthannāmena vinayaṃ puṭṭho vissajjeyyā’’ti. Evaṃ parena paro sammannitabboti.
ཏེན ཁོ པན སམཡེན པེསལཱ བྷིཀྑཱུ སངྒྷམཛ྄ཛྷེ སམྨཏཱ ཝིནཡཾ ཝིསྶཛྫེནྟི། ཚབྦགྒིཡཱ བྷིཀྑཱུ ལབྷནྟི ཨཱགྷཱཏཾ, ལབྷནྟི ཨཔྤཙྩཡཾ, ཝདྷེན ཏཛྫེནྟི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, སངྒྷམཛ྄ཛྷེ སམྨཏེནཔི པརིསཾ ཨོལོཀེཏྭཱ པུགྒལཾ ཏུལཡིཏྭཱ ཝིནཡཾ ཝིསྶཛྫེཏུནྟི།
Tena kho pana samayena pesalā bhikkhū saṅghamajjhe sammatā vinayaṃ vissajjenti. Chabbaggiyā bhikkhū labhanti āghātaṃ, labhanti appaccayaṃ, vadhena tajjenti. Bhagavato etamatthaṃ ārocesuṃ. Anujānāmi, bhikkhave, saṅghamajjhe sammatenapi parisaṃ oloketvā puggalaṃ tulayitvā vinayaṃ vissajjetunti.
Footnotes:
