| Library / Tipiṭaka / तिपिटक • Tipiṭaka / पञ्चपकरण-मूलटीका • Pañcapakaraṇa-mūlaṭīkā |
४. विमुच्चमानकथावण्णना
4. Vimuccamānakathāvaṇṇanā
३६६. झानेन विक्खम्भनविमुत्तिया विमुत्तं चित्तं मग्गक्खणे समुच्छेदविमुत्तिया विमुच्चमानं नाम होतीति एतिस्सा लद्धिया को दोसोति विचारेतब्बं। यदि विप्पकतनिद्देसे दोसो, तत्रापि तेन विमुच्चमानताय ‘‘विमुत्तं विमुच्चमान’’न्ति वुत्तं। सति च दोसे उप्पादक्खणे विमुत्तं, वयक्खणे विमुच्चमानन्ति विमुत्तविमुच्चमानवचनस्स न चोदेतब्बं सिया, अथ खो विमुच्चमानवचनमेवाति। एकदेसेन, एकदेसे वा विमुच्चमानस्स च विमुत्तकिरियाय एकदेसो विसेसनं होतीति ‘‘भावनपुंसक’’न्ति वुत्तं। कटादयोति कटपटादयो। एकेनेव चित्तेनाति एकेनेव फलचित्तेनाति अधिप्पायो।
366. Jhānenavikkhambhanavimuttiyā vimuttaṃ cittaṃ maggakkhaṇe samucchedavimuttiyā vimuccamānaṃ nāma hotīti etissā laddhiyā ko dosoti vicāretabbaṃ. Yadi vippakataniddese doso, tatrāpi tena vimuccamānatāya ‘‘vimuttaṃ vimuccamāna’’nti vuttaṃ. Sati ca dose uppādakkhaṇe vimuttaṃ, vayakkhaṇe vimuccamānanti vimuttavimuccamānavacanassa na codetabbaṃ siyā, atha kho vimuccamānavacanamevāti. Ekadesena, ekadese vā vimuccamānassa ca vimuttakiriyāya ekadeso visesanaṃ hotīti ‘‘bhāvanapuṃsaka’’nti vuttaṃ. Kaṭādayoti kaṭapaṭādayo. Ekeneva cittenāti ekeneva phalacittenāti adhippāyo.
विमुच्चमानकथावण्णना निट्ठिता।
Vimuccamānakathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (२४) ४. विमुच्चमानकथा • (24) 4. Vimuccamānakathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ४. विमुच्चमानकथावण्णना • 4. Vimuccamānakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ४. विमुच्चमानकथावण्णना • 4. Vimuccamānakathāvaṇṇanā
