| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
৪. ৰিমুচ্চমানকথাৰণ্ণনা
4. Vimuccamānakathāvaṇṇanā
৩৬৬. ঝানেন ৰিক্খম্ভনৰিমুত্তিযা ৰিমুত্তং চিত্তং মগ্গক্খণে সমুচ্ছেদৰিমুত্তিযা ৰিমুচ্চমানং নাম হোতীতি এতিস্সা লদ্ধিযা কো দোসোতি ৰিচারেতব্বং। যদি ৰিপ্পকতনিদ্দেসে দোসো, তত্রাপি তেন ৰিমুচ্চমানতায ‘‘ৰিমুত্তং ৰিমুচ্চমান’’ন্তি ৰুত্তং। সতি চ দোসে উপ্পাদক্খণে ৰিমুত্তং, ৰযক্খণে ৰিমুচ্চমানন্তি ৰিমুত্তৰিমুচ্চমানৰচনস্স ন চোদেতব্বং সিযা, অথ খো ৰিমুচ্চমানৰচনমেৰাতি। একদেসেন, একদেসে ৰা ৰিমুচ্চমানস্স চ ৰিমুত্তকিরিযায একদেসো ৰিসেসনং হোতীতি ‘‘ভাৰনপুংসক’’ন্তি ৰুত্তং। কটাদযোতি কটপটাদযো। একেনেৰ চিত্তেনাতি একেনেৰ ফলচিত্তেনাতি অধিপ্পাযো।
366. Jhānenavikkhambhanavimuttiyā vimuttaṃ cittaṃ maggakkhaṇe samucchedavimuttiyā vimuccamānaṃ nāma hotīti etissā laddhiyā ko dosoti vicāretabbaṃ. Yadi vippakataniddese doso, tatrāpi tena vimuccamānatāya ‘‘vimuttaṃ vimuccamāna’’nti vuttaṃ. Sati ca dose uppādakkhaṇe vimuttaṃ, vayakkhaṇe vimuccamānanti vimuttavimuccamānavacanassa na codetabbaṃ siyā, atha kho vimuccamānavacanamevāti. Ekadesena, ekadese vā vimuccamānassa ca vimuttakiriyāya ekadeso visesanaṃ hotīti ‘‘bhāvanapuṃsaka’’nti vuttaṃ. Kaṭādayoti kaṭapaṭādayo. Ekeneva cittenāti ekeneva phalacittenāti adhippāyo.
ৰিমুচ্চমানকথাৰণ্ণনা নিট্ঠিতা।
Vimuccamānakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (২৪) ৪. ৰিমুচ্চমানকথা • (24) 4. Vimuccamānakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৪. ৰিমুচ্চমানকথাৰণ্ণনা • 4. Vimuccamānakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৪. ৰিমুচ্চমানকথাৰণ্ণনা • 4. Vimuccamānakathāvaṇṇanā
