| Library / Tipiṭaka / ತಿಪಿಟಕ • Tipiṭaka / ಧಮ್ಮಸಙ್ಗಣೀ-ಅನುಟೀಕಾ • Dhammasaṅgaṇī-anuṭīkā |
ವಿಮೋಕ್ಖಕಥಾವಣ್ಣನಾ
Vimokkhakathāvaṇṇanā
೨೪೮. ತನ್ತಿ ‘‘ಸಸನ್ತತಿಪರಿಯಾಪನ್ನರೂಪ’’ನ್ತಿ ವುತ್ತಕೇಸಾದಿವಣ್ಣಮಾಹ। ತಂ ಪನ ಯಸ್ಮಾ ಖಲಮಣ್ಡಲಾದಿ ವಿಯ ಪರಮ್ಪರಾಯ ಝಾನಸ್ಸ ಕಾರಣಂ, ತಸ್ಮಾ ‘‘ಝಾನಸ್ಸ ಹೇತುಭಾವೇನಾ’’ತಿ ಆಹ। ಯೇನಾತಿ ಯಥಾವುತ್ತರೂಪವಿಸೇಸೇನ। ವಿಸಿಟ್ಠೇನಾತಿ ಅತಿಸಯಪ್ಪತ್ತೇನ ‘‘ರೂಪೂಪಪತ್ತಿಯಾ’’ತಿಆದೀಸು (ಧ॰ ಸ॰ ೧೬೦ ಆದಯೋ; ವಿಭ॰ ೬೨೫) ವಿಯ ಉತ್ತರಪದಲೋಪೇನ ‘‘ರೂಪ’’ನ್ತಿ ವುತ್ತೇನ ರೂಪಝಾನೇನ। ‘‘ವಿಸಿಟ್ಠೇನಾ’’ತಿ ಇಮಿನಾ ಹಿ ಅತಿಸಯರೂಪಯುತ್ತೋ ರೂಪೀತಿ ವುತ್ತೋತಿ ದಸ್ಸೇತಿ। ‘‘ಪಠಮಂ ಝಾನಂ ಉಪಸಮ್ಪಜ್ಜ ವಿಹರತಿ ಪಥವೀಕಸಿಣ’’ನ್ತಿಆದಿನಾ (ಧ॰ ಸ॰ ೪೯೯) ಝಾನಾನಮೇವ ಕಸಿಣಭಾವೇನ ಪವತ್ತಾ। ಸುತ್ತೇ ಆರಮ್ಮಣಾನಂ ಕಸಿಣಭಾವೇನ ಪವತ್ತಾ ‘‘ಪಥವೀಕಸಿಣಮೇಕೋ ಸಞ್ಜಾನಾತೀ’’ತಿಆದಿನಾ (ದೀ॰ ನಿ॰ ೩.೩೬೦; ಅ॰ ನಿ॰ ೧೦.೨೫)।
248. Tanti ‘‘sasantatipariyāpannarūpa’’nti vuttakesādivaṇṇamāha. Taṃ pana yasmā khalamaṇḍalādi viya paramparāya jhānassa kāraṇaṃ, tasmā ‘‘jhānassa hetubhāvenā’’ti āha. Yenāti yathāvuttarūpavisesena. Visiṭṭhenāti atisayappattena ‘‘rūpūpapattiyā’’tiādīsu (dha. sa. 160 ādayo; vibha. 625) viya uttarapadalopena ‘‘rūpa’’nti vuttena rūpajhānena. ‘‘Visiṭṭhenā’’ti iminā hi atisayarūpayutto rūpīti vuttoti dasseti. ‘‘Paṭhamaṃ jhānaṃ upasampajja viharati pathavīkasiṇa’’ntiādinā (dha. sa. 499) jhānānameva kasiṇabhāvena pavattā. Sutte ārammaṇānaṃ kasiṇabhāvena pavattā ‘‘pathavīkasiṇameko sañjānātī’’tiādinā (dī. ni. 3.360; a. ni. 10.25).
ವಿಮೋಕ್ಖಕಥಾವಣ್ಣನಾ ನಿಟ್ಠಿತಾ।
Vimokkhakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಧಮ್ಮಸಙ್ಗಣೀಪಾಳಿ • Dhammasaṅgaṇīpāḷi / ರೂಪಾವಚರಕುಸಲಂ • Rūpāvacarakusalaṃ
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಧಮ್ಮಸಙ್ಗಣಿ-ಅಟ್ಠಕಥಾ • Dhammasaṅgaṇi-aṭṭhakathā / ವಿಮೋಕ್ಖಕಥಾ • Vimokkhakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಧಮ್ಮಸಙ್ಗಣೀ-ಮೂಲಟೀಕಾ • Dhammasaṅgaṇī-mūlaṭīkā / ವಿಮೋಕ್ಖಕಥಾವಣ್ಣನಾ • Vimokkhakathāvaṇṇanā
