| Library / Tipiṭaka / তিপিটক • Tipiṭaka / ধম্মসঙ্গণী-অনুটীকা • Dhammasaṅgaṇī-anuṭīkā |
ৰিমোক্খকথাৰণ্ণনা
Vimokkhakathāvaṇṇanā
২৪৮. তন্তি ‘‘সসন্ততিপরিযাপন্নরূপ’’ন্তি ৰুত্তকেসাদিৰণ্ণমাহ। তং পন যস্মা খলমণ্ডলাদি ৰিয পরম্পরায ঝানস্স কারণং, তস্মা ‘‘ঝানস্স হেতুভাৰেনা’’তি আহ। যেনাতি যথাৰুত্তরূপৰিসেসেন। ৰিসিট্ঠেনাতি অতিসযপ্পত্তেন ‘‘রূপূপপত্তিযা’’তিআদীসু (ধ॰ স॰ ১৬০ আদযো; ৰিভ॰ ৬২৫) ৰিয উত্তরপদলোপেন ‘‘রূপ’’ন্তি ৰুত্তেন রূপঝানেন। ‘‘ৰিসিট্ঠেনা’’তি ইমিনা হি অতিসযরূপযুত্তো রূপীতি ৰুত্তোতি দস্সেতি। ‘‘পঠমং ঝানং উপসম্পজ্জ ৰিহরতি পথৰীকসিণ’’ন্তিআদিনা (ধ॰ স॰ ৪৯৯) ঝানানমেৰ কসিণভাৰেন পৰত্তা। সুত্তে আরম্মণানং কসিণভাৰেন পৰত্তা ‘‘পথৰীকসিণমেকো সঞ্জানাতী’’তিআদিনা (দী॰ নি॰ ৩.৩৬০; অ॰ নি॰ ১০.২৫)।
248. Tanti ‘‘sasantatipariyāpannarūpa’’nti vuttakesādivaṇṇamāha. Taṃ pana yasmā khalamaṇḍalādi viya paramparāya jhānassa kāraṇaṃ, tasmā ‘‘jhānassa hetubhāvenā’’ti āha. Yenāti yathāvuttarūpavisesena. Visiṭṭhenāti atisayappattena ‘‘rūpūpapattiyā’’tiādīsu (dha. sa. 160 ādayo; vibha. 625) viya uttarapadalopena ‘‘rūpa’’nti vuttena rūpajhānena. ‘‘Visiṭṭhenā’’ti iminā hi atisayarūpayutto rūpīti vuttoti dasseti. ‘‘Paṭhamaṃ jhānaṃ upasampajja viharati pathavīkasiṇa’’ntiādinā (dha. sa. 499) jhānānameva kasiṇabhāvena pavattā. Sutte ārammaṇānaṃ kasiṇabhāvena pavattā ‘‘pathavīkasiṇameko sañjānātī’’tiādinā (dī. ni. 3.360; a. ni. 10.25).
ৰিমোক্খকথাৰণ্ণনা নিট্ঠিতা।
Vimokkhakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধম্মসঙ্গণীপাল়ি • Dhammasaṅgaṇīpāḷi / রূপাৰচরকুসলং • Rūpāvacarakusalaṃ
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / ধম্মসঙ্গণি-অট্ঠকথা • Dhammasaṅgaṇi-aṭṭhakathā / ৰিমোক্খকথা • Vimokkhakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ধম্মসঙ্গণী-মূলটীকা • Dhammasaṅgaṇī-mūlaṭīkā / ৰিমোক্খকথাৰণ্ণনা • Vimokkhakathāvaṇṇanā
