| Library / Tipiṭaka / ਤਿਪਿਟਕ • Tipiṭaka / ਥੇਰਗਾਥਾਪਾਲ਼ਿ • Theragāthāpāḷi |
੧੬. વਿਮਲਤ੍ਥੇਰਗਾਥਾ
16. Vimalattheragāthā
੨੬੪.
264.
‘‘ਪਾਪਮਿਤ੍ਤੇ વਿવਜ੍ਜੇਤ੍વਾ, ਭਜੇਯ੍ਯੁਤ੍ਤਮਪੁਗ੍ਗਲਂ।
‘‘Pāpamitte vivajjetvā, bhajeyyuttamapuggalaṃ;
ਓવਾਦੇ ਚਸ੍ਸ ਤਿਟ੍ਠੇਯ੍ਯ, ਪਤ੍ਥੇਨ੍ਤੋ ਅਚਲਂ ਸੁਖਂ॥
Ovāde cassa tiṭṭheyya, patthento acalaṃ sukhaṃ.
੨੬੫.
265.
‘‘ਪਰਿਤ੍ਤਂ ਦਾਰੁਮਾਰੁਯ੍ਹ, ਯਥਾ ਸੀਦੇ ਮਹਣ੍ਣવੇ।
‘‘Parittaṃ dārumāruyha, yathā sīde mahaṇṇave;
ਏવਂ ਕੁਸੀਤਮਾਗਮ੍ਮ, ਸਾਧੁਜੀવੀਪਿ ਸੀਦਤਿ।
Evaṃ kusītamāgamma, sādhujīvīpi sīdati;
ਤਸ੍ਮਾ ਤਂ ਪਰਿવਜ੍ਜੇਯ੍ਯ, ਕੁਸੀਤਂ ਹੀਨવੀਰਿਯਂ॥
Tasmā taṃ parivajjeyya, kusītaṃ hīnavīriyaṃ.
੨੬੬.
266.
‘‘ਪવਿવਿਤ੍ਤੇਹਿ ਅਰਿਯੇਹਿ, ਪਹਿਤਤ੍ਤੇਹਿ ਝਾਯਿਭਿ।
‘‘Pavivittehi ariyehi, pahitattehi jhāyibhi;
ਨਿਚ੍ਚਂ ਆਰਦ੍ਧવੀਰਿਯੇਹਿ, ਪਣ੍ਡਿਤੇਹਿ ਸਹਾવਸੇ’’ਤਿ॥
Niccaṃ āraddhavīriyehi, paṇḍitehi sahāvase’’ti.
… વਿਮਲੋ ਥੇਰੋ…।
… Vimalo thero….
ਤਿਕਨਿਪਾਤੋ ਨਿਟ੍ਠਿਤੋ।
Tikanipāto niṭṭhito.
ਤਤ੍ਰੁਦ੍ਦਾਨਂ –
Tatruddānaṃ –
ਅਙ੍ਗਣਿਕੋ ਭਾਰਦ੍વਾਜੋ, ਪਚ੍ਚਯੋ ਬਾਕੁਲੋ ਇਸਿ।
Aṅgaṇiko bhāradvājo, paccayo bākulo isi;
ਧਨਿਯੋ ਮਾਤਙ੍ਗਪੁਤ੍ਤੋ, ਸੋਭਿਤੋ વਾਰਣੋ ਇਸਿ॥
Dhaniyo mātaṅgaputto, sobhito vāraṇo isi.
વਸ੍ਸਿਕੋ ਚ ਯਸੋਜੋ ਚ, ਸਾਟਿਮਤ੍ਤਿਯੁਪਾਲਿ ਚ।
Vassiko ca yasojo ca, sāṭimattiyupāli ca;
ਉਤ੍ਤਰਪਾਲੋ ਅਭਿਭੂਤੋ, ਗੋਤਮੋ ਹਾਰਿਤੋਪਿ ਚ॥
Uttarapālo abhibhūto, gotamo hāritopi ca.
ਥੇਰੋ ਤਿਕਨਿਪਾਤਮ੍ਹਿ, ਨਿਬ੍ਬਾਨੇ વਿਮਲੋ ਕਤੋ।
Thero tikanipātamhi, nibbāne vimalo kato;
ਅਟ੍ਠਤਾਲੀਸ ਗਾਥਾਯੋ, ਥੇਰਾ ਸੋਲ਼ਸ ਕਿਤ੍ਤਿਤਾਤਿ॥
Aṭṭhatālīsa gāthāyo, therā soḷasa kittitāti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਥੇਰਗਾਥਾ-ਅਟ੍ਠਕਥਾ • Theragāthā-aṭṭhakathā / ੧੬. વਿਮਲਤ੍ਥੇਰਗਾਥਾવਣ੍ਣਨਾ • 16. Vimalattheragāthāvaṇṇanā
