| Library / Tipiṭaka / ತಿಪಿಟಕ • Tipiṭaka / ಥೇರಗಾಥಾಪಾಳಿ • Theragāthāpāḷi |
೧೬. ವಿಮಲತ್ಥೇರಗಾಥಾ
16. Vimalattheragāthā
೨೬೪.
264.
‘‘ಪಾಪಮಿತ್ತೇ ವಿವಜ್ಜೇತ್ವಾ, ಭಜೇಯ್ಯುತ್ತಮಪುಗ್ಗಲಂ।
‘‘Pāpamitte vivajjetvā, bhajeyyuttamapuggalaṃ;
ಓವಾದೇ ಚಸ್ಸ ತಿಟ್ಠೇಯ್ಯ, ಪತ್ಥೇನ್ತೋ ಅಚಲಂ ಸುಖಂ॥
Ovāde cassa tiṭṭheyya, patthento acalaṃ sukhaṃ.
೨೬೫.
265.
‘‘ಪರಿತ್ತಂ ದಾರುಮಾರುಯ್ಹ, ಯಥಾ ಸೀದೇ ಮಹಣ್ಣವೇ।
‘‘Parittaṃ dārumāruyha, yathā sīde mahaṇṇave;
ಏವಂ ಕುಸೀತಮಾಗಮ್ಮ, ಸಾಧುಜೀವೀಪಿ ಸೀದತಿ।
Evaṃ kusītamāgamma, sādhujīvīpi sīdati;
ತಸ್ಮಾ ತಂ ಪರಿವಜ್ಜೇಯ್ಯ, ಕುಸೀತಂ ಹೀನವೀರಿಯಂ॥
Tasmā taṃ parivajjeyya, kusītaṃ hīnavīriyaṃ.
೨೬೬.
266.
‘‘ಪವಿವಿತ್ತೇಹಿ ಅರಿಯೇಹಿ, ಪಹಿತತ್ತೇಹಿ ಝಾಯಿಭಿ।
‘‘Pavivittehi ariyehi, pahitattehi jhāyibhi;
ನಿಚ್ಚಂ ಆರದ್ಧವೀರಿಯೇಹಿ, ಪಣ್ಡಿತೇಹಿ ಸಹಾವಸೇ’’ತಿ॥
Niccaṃ āraddhavīriyehi, paṇḍitehi sahāvase’’ti.
… ವಿಮಲೋ ಥೇರೋ…।
… Vimalo thero….
ತಿಕನಿಪಾತೋ ನಿಟ್ಠಿತೋ।
Tikanipāto niṭṭhito.
ತತ್ರುದ್ದಾನಂ –
Tatruddānaṃ –
ಅಙ್ಗಣಿಕೋ ಭಾರದ್ವಾಜೋ, ಪಚ್ಚಯೋ ಬಾಕುಲೋ ಇಸಿ।
Aṅgaṇiko bhāradvājo, paccayo bākulo isi;
ಧನಿಯೋ ಮಾತಙ್ಗಪುತ್ತೋ, ಸೋಭಿತೋ ವಾರಣೋ ಇಸಿ॥
Dhaniyo mātaṅgaputto, sobhito vāraṇo isi.
ವಸ್ಸಿಕೋ ಚ ಯಸೋಜೋ ಚ, ಸಾಟಿಮತ್ತಿಯುಪಾಲಿ ಚ।
Vassiko ca yasojo ca, sāṭimattiyupāli ca;
ಉತ್ತರಪಾಲೋ ಅಭಿಭೂತೋ, ಗೋತಮೋ ಹಾರಿತೋಪಿ ಚ॥
Uttarapālo abhibhūto, gotamo hāritopi ca.
ಥೇರೋ ತಿಕನಿಪಾತಮ್ಹಿ, ನಿಬ್ಬಾನೇ ವಿಮಲೋ ಕತೋ।
Thero tikanipātamhi, nibbāne vimalo kato;
ಅಟ್ಠತಾಲೀಸ ಗಾಥಾಯೋ, ಥೇರಾ ಸೋಳಸ ಕಿತ್ತಿತಾತಿ॥
Aṭṭhatālīsa gāthāyo, therā soḷasa kittitāti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರಗಾಥಾ-ಅಟ್ಠಕಥಾ • Theragāthā-aṭṭhakathā / ೧೬. ವಿಮಲತ್ಥೇರಗಾಥಾವಣ್ಣನಾ • 16. Vimalattheragāthāvaṇṇanā
