| Library / Tipiṭaka / ติปิฎก • Tipiṭaka / เถรคาถาปาฬิ • Theragāthāpāḷi |
๑๖. วิมลเตฺถรคาถา
16. Vimalattheragāthā
๒๖๔.
264.
‘‘ปาปมิเตฺต วิวเชฺชตฺวา, ภเชยฺยุตฺตมปุคฺคลํ;
‘‘Pāpamitte vivajjetvā, bhajeyyuttamapuggalaṃ;
โอวาเท จสฺส ติเฎฺฐยฺย, ปเตฺถโนฺต อจลํ สุขํฯ
Ovāde cassa tiṭṭheyya, patthento acalaṃ sukhaṃ.
๒๖๕.
265.
‘‘ปริตฺตํ ทารุมารุยฺห, ยถา สีเท มหณฺณเว;
‘‘Parittaṃ dārumāruyha, yathā sīde mahaṇṇave;
เอวํ กุสีตมาคมฺม, สาธุชีวีปิ สีทติ;
Evaṃ kusītamāgamma, sādhujīvīpi sīdati;
ตสฺมา ตํ ปริวเชฺชยฺย, กุสีตํ หีนวีริยํฯ
Tasmā taṃ parivajjeyya, kusītaṃ hīnavīriyaṃ.
๒๖๖.
266.
‘‘ปวิวิเตฺตหิ อริเยหิ, ปหิตเตฺตหิ ฌายิภิ;
‘‘Pavivittehi ariyehi, pahitattehi jhāyibhi;
นิจฺจํ อารทฺธวีริเยหิ, ปณฺฑิเตหิ สหาวเส’’ติฯ
Niccaṃ āraddhavīriyehi, paṇḍitehi sahāvase’’ti.
… วิมโล เถโร…ฯ
… Vimalo thero….
ติกนิปาโต นิฎฺฐิโตฯ
Tikanipāto niṭṭhito.
ตตฺรุทฺทานํ –
Tatruddānaṃ –
องฺคณิโก ภารทฺวาโช, ปจฺจโย พากุโล อิสิ;
Aṅgaṇiko bhāradvājo, paccayo bākulo isi;
ธนิโย มาตงฺคปุโตฺต, โสภิโต วารโณ อิสิฯ
Dhaniyo mātaṅgaputto, sobhito vāraṇo isi.
วสฺสิโก จ ยโสโช จ, สาฎิมตฺติยุปาลิ จ;
Vassiko ca yasojo ca, sāṭimattiyupāli ca;
อุตฺตรปาโล อภิภูโต, โคตโม หาริโตปิ จฯ
Uttarapālo abhibhūto, gotamo hāritopi ca.
เถโร ติกนิปาตมฺหิ, นิพฺพาเน วิมโล กโต;
Thero tikanipātamhi, nibbāne vimalo kato;
อฎฺฐตาลีส คาถาโย, เถรา โสฬส กิตฺติตาติฯ
Aṭṭhatālīsa gāthāyo, therā soḷasa kittitāti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรคาถา-อฎฺฐกถา • Theragāthā-aṭṭhakathā / ๑๖. วิมลเตฺถรคาถาวณฺณนา • 16. Vimalattheragāthāvaṇṇanā
