| Library / Tipiṭaka / তিপিটক • Tipiṭaka / থেরগাথাপাল়ি • Theragāthāpāḷi |
১৬. ৰিমলত্থেরগাথা
16. Vimalattheragāthā
২৬৪.
264.
‘‘পাপমিত্তে ৰিৰজ্জেত্ৰা, ভজেয্যুত্তমপুগ্গলং।
‘‘Pāpamitte vivajjetvā, bhajeyyuttamapuggalaṃ;
ওৰাদে চস্স তিট্ঠেয্য, পত্থেন্তো অচলং সুখং॥
Ovāde cassa tiṭṭheyya, patthento acalaṃ sukhaṃ.
২৬৫.
265.
‘‘পরিত্তং দারুমারুয্হ, যথা সীদে মহণ্ণৰে।
‘‘Parittaṃ dārumāruyha, yathā sīde mahaṇṇave;
এৰং কুসীতমাগম্ম, সাধুজীৰীপি সীদতি।
Evaṃ kusītamāgamma, sādhujīvīpi sīdati;
তস্মা তং পরিৰজ্জেয্য, কুসীতং হীনৰীরিযং॥
Tasmā taṃ parivajjeyya, kusītaṃ hīnavīriyaṃ.
২৬৬.
266.
‘‘পৰিৰিত্তেহি অরিযেহি, পহিতত্তেহি ঝাযিভি।
‘‘Pavivittehi ariyehi, pahitattehi jhāyibhi;
নিচ্চং আরদ্ধৰীরিযেহি, পণ্ডিতেহি সহাৰসে’’তি॥
Niccaṃ āraddhavīriyehi, paṇḍitehi sahāvase’’ti.
… ৰিমলো থেরো…।
… Vimalo thero….
তিকনিপাতো নিট্ঠিতো।
Tikanipāto niṭṭhito.
তত্রুদ্দানং –
Tatruddānaṃ –
অঙ্গণিকো ভারদ্ৰাজো, পচ্চযো বাকুলো ইসি।
Aṅgaṇiko bhāradvājo, paccayo bākulo isi;
ধনিযো মাতঙ্গপুত্তো, সোভিতো ৰারণো ইসি॥
Dhaniyo mātaṅgaputto, sobhito vāraṇo isi.
ৰস্সিকো চ যসোজো চ, সাটিমত্তিযুপালি চ।
Vassiko ca yasojo ca, sāṭimattiyupāli ca;
উত্তরপালো অভিভূতো, গোতমো হারিতোপি চ॥
Uttarapālo abhibhūto, gotamo hāritopi ca.
থেরো তিকনিপাতম্হি, নিব্বানে ৰিমলো কতো।
Thero tikanipātamhi, nibbāne vimalo kato;
অট্ঠতালীস গাথাযো, থেরা সোল়স কিত্তিতাতি॥
Aṭṭhatālīsa gāthāyo, therā soḷasa kittitāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরগাথা-অট্ঠকথা • Theragāthā-aṭṭhakathā / ১৬. ৰিমলত্থেরগাথাৰণ্ণনা • 16. Vimalattheragāthāvaṇṇanā
