| Library / Tipiṭaka / திபிடக • Tipiṭaka / தே²ரகா³தா²பாளி • Theragāthāpāḷi |
16. விமலத்தே²ரகா³தா²
16. Vimalattheragāthā
264.
264.
‘‘பாபமித்தே விவஜ்ஜெத்வா, ப⁴ஜெய்யுத்தமபுக்³க³லங்;
‘‘Pāpamitte vivajjetvā, bhajeyyuttamapuggalaṃ;
ஓவாதே³ சஸ்ஸ திட்டெ²ய்ய, பத்தெ²ந்தோ அசலங் ஸுக²ங்.
Ovāde cassa tiṭṭheyya, patthento acalaṃ sukhaṃ.
265.
265.
‘‘பரித்தங் தா³ருமாருய்ஹ, யதா² ஸீதே³ மஹண்ணவே;
‘‘Parittaṃ dārumāruyha, yathā sīde mahaṇṇave;
ஏவங் குஸீதமாக³ம்ம, ஸாது⁴ஜீவீபி ஸீத³தி;
Evaṃ kusītamāgamma, sādhujīvīpi sīdati;
தஸ்மா தங் பரிவஜ்ஜெய்ய, குஸீதங் ஹீனவீரியங்.
Tasmā taṃ parivajjeyya, kusītaṃ hīnavīriyaṃ.
266.
266.
‘‘பவிவித்தேஹி அரியேஹி, பஹிதத்தேஹி ஜா²யிபி⁴;
‘‘Pavivittehi ariyehi, pahitattehi jhāyibhi;
நிச்சங் ஆரத்³த⁴வீரியேஹி, பண்டி³தேஹி ஸஹாவஸே’’தி.
Niccaṃ āraddhavīriyehi, paṇḍitehi sahāvase’’ti.
… விமலோ தே²ரோ….
… Vimalo thero….
திகனிபாதோ நிட்டி²தோ.
Tikanipāto niṭṭhito.
தத்ருத்³தா³னங் –
Tatruddānaṃ –
அங்க³ணிகோ பா⁴ரத்³வாஜோ, பச்சயோ பா³குலோ இஸி;
Aṅgaṇiko bhāradvājo, paccayo bākulo isi;
த⁴னியோ மாதங்க³புத்தோ, ஸோபி⁴தோ வாரணோ இஸி.
Dhaniyo mātaṅgaputto, sobhito vāraṇo isi.
வஸ்ஸிகோ ச யஸோஜோ ச, ஸாடிமத்தியுபாலி ச;
Vassiko ca yasojo ca, sāṭimattiyupāli ca;
உத்தரபாலோ அபி⁴பூ⁴தோ, கோ³தமோ ஹாரிதோபி ச.
Uttarapālo abhibhūto, gotamo hāritopi ca.
தே²ரோ திகனிபாதம்ஹி, நிப்³பா³னே விமலோ கதோ;
Thero tikanipātamhi, nibbāne vimalo kato;
அட்ட²தாலீஸ கா³தா²யோ, தே²ரா ஸோளஸ கித்திதாதி.
Aṭṭhatālīsa gāthāyo, therā soḷasa kittitāti.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / தே²ரகா³தா²-அட்ட²கதா² • Theragāthā-aṭṭhakathā / 16. விமலத்தே²ரகா³தா²வண்ணனா • 16. Vimalattheragāthāvaṇṇanā
