| Library / Tipiṭaka / တိပိဋက • Tipiṭaka / ထေရီဂာထာပာဠိ • Therīgāthāpāḷi |
၂. ဝိမလာထေရီဂာထာ
2. Vimalātherīgāthā
၇၂.
72.
‘‘မတ္တာ ဝဏ္ဏေန ရူပေန၊ သောဘဂ္ဂေန ယသေန စ။
‘‘Mattā vaṇṇena rūpena, sobhaggena yasena ca;
ယောဗ္ဗနေန စုပတ္ထဒ္ဓာ၊ အညာသမတိမညိဟံ။
Yobbanena cupatthaddhā, aññāsamatimaññihaṃ.
၇၃.
73.
‘‘ဝိဘူသေတ္ဝာ ဣမံ ကာယံ၊ သုစိတ္တံ ဗာလလာပနံ။
‘‘Vibhūsetvā imaṃ kāyaṃ, sucittaṃ bālalāpanaṃ;
အဋ္ဌာသိံ ဝေသိဒ္ဝာရမ္ဟိ၊ လုဒ္ဒော ပာသမိဝောဍ္ဍိယ။
Aṭṭhāsiṃ vesidvāramhi, luddo pāsamivoḍḍiya.
၇၄.
74.
‘‘ပိလန္ဓနံ ဝိဒံသေန္တီ၊ ဂုယ္ဟံ ပကာသိကံ ဗဟုံ။
‘‘Pilandhanaṃ vidaṃsentī, guyhaṃ pakāsikaṃ bahuṃ;
အကာသိံ ဝိဝိဓံ မာယံ၊ ဥဇ္ဇဂ္ဃန္တီ ဗဟုံ ဇနံ။
Akāsiṃ vividhaṃ māyaṃ, ujjagghantī bahuṃ janaṃ.
၇၅.
75.
‘‘သာဇ္ဇ ပိဏ္ဍံ စရိတ္ဝာန၊ မုဏ္ဍာ သင္ဃာဋိပာရုတာ။
‘‘Sājja piṇḍaṃ caritvāna, muṇḍā saṅghāṭipārutā;
နိသိန္နာ ရုက္ခမူလမ္ဟိ၊ အဝိတက္ကသ္သ လာဘိနီ။
Nisinnā rukkhamūlamhi, avitakkassa lābhinī.
၇၆.
76.
‘‘သဗ္ဗေ ယောဂာ သမုစ္ဆိန္နာ၊ ယေ ဒိဗ္ဗာ ယေ စ မာနုသာ။
‘‘Sabbe yogā samucchinnā, ye dibbā ye ca mānusā;
ခေပေတ္ဝာ အာသဝေ သဗ္ဗေ၊ သီတိဘူတာမ္ဟိ နိဗ္ဗုတာ’’တိ။
Khepetvā āsave sabbe, sītibhūtāmhi nibbutā’’ti.
။ ဝိမလာ ပုရာဏဂဏိကာ ထေရီ။။
… Vimalā purāṇagaṇikā therī….
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ထေရီဂာထာ-အဋ္ဌကထာ • Therīgāthā-aṭṭhakathā / ၂. ဝိမလာထေရီဂာထာဝဏ္ဏနာ • 2. Vimalātherīgāthāvaṇṇanā
