| Library / Tipiṭaka / তিপিটক • Tipiṭaka / থেরীগাথাপাল়ি • Therīgāthāpāḷi |
২. ৰিমলাথেরীগাথা
2. Vimalātherīgāthā
৭২.
72.
‘‘মত্তা ৰণ্ণেন রূপেন, সোভগ্গেন যসেন চ।
‘‘Mattā vaṇṇena rūpena, sobhaggena yasena ca;
যোব্বনেন চুপত্থদ্ধা, অঞ্ঞাসমতিমঞ্ঞিহং॥
Yobbanena cupatthaddhā, aññāsamatimaññihaṃ.
৭৩.
73.
‘‘ৰিভূসেত্ৰা ইমং কাযং, সুচিত্তং বাললাপনং।
‘‘Vibhūsetvā imaṃ kāyaṃ, sucittaṃ bālalāpanaṃ;
অট্ঠাসিং ৰেসিদ্ৰারম্হি, লুদ্দো পাসমিৰোড্ডিয॥
Aṭṭhāsiṃ vesidvāramhi, luddo pāsamivoḍḍiya.
৭৪.
74.
‘‘পিলন্ধনং ৰিদংসেন্তী, গুয্হং পকাসিকং বহুং।
‘‘Pilandhanaṃ vidaṃsentī, guyhaṃ pakāsikaṃ bahuṃ;
অকাসিং ৰিৰিধং মাযং, উজ্জগ্ঘন্তী বহুং জনং॥
Akāsiṃ vividhaṃ māyaṃ, ujjagghantī bahuṃ janaṃ.
৭৫.
75.
‘‘সাজ্জ পিণ্ডং চরিত্ৰান, মুণ্ডা সঙ্ঘাটিপারুতা।
‘‘Sājja piṇḍaṃ caritvāna, muṇḍā saṅghāṭipārutā;
নিসিন্না রুক্খমূলম্হি, অৰিতক্কস্স লাভিনী॥
Nisinnā rukkhamūlamhi, avitakkassa lābhinī.
৭৬.
76.
‘‘সব্বে যোগা সমুচ্ছিন্না, যে দিব্বা যে চ মানুসা।
‘‘Sabbe yogā samucchinnā, ye dibbā ye ca mānusā;
খেপেত্ৰা আসৰে সব্বে, সীতিভূতাম্হি নিব্বুতা’’তি॥
Khepetvā āsave sabbe, sītibhūtāmhi nibbutā’’ti.
… ৰিমলা পুরাণগণিকা থেরী…।
… Vimalā purāṇagaṇikā therī….
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরীগাথা-অট্ঠকথা • Therīgāthā-aṭṭhakathā / ২. ৰিমলাথেরীগাথাৰণ্ণনা • 2. Vimalātherīgāthāvaṇṇanā
