| Library / Tipiṭaka / തിപിടക • Tipiṭaka / കങ്ഖാവിതരണീ-അഭിനവ-ടീകാ • Kaṅkhāvitaraṇī-abhinava-ṭīkā |
൯. വികപ്പനസിക്ഖാപദവണ്ണനാ
9. Vikappanasikkhāpadavaṇṇanā
സമ്മുഖേന വികപ്പനാ സമ്മുഖവികപ്പനാ. പരമ്മുഖേന വികപ്പനാ പരമ്മുഖവികപ്പനാ. സന്നിഹിതാസന്നിഹിതഭാവന്തി ആസന്നദൂരഭാവം. ആസന്നദൂരഭാവോ ച അധിട്ഠാനേ വുത്തനയേനേവ വേദിതബ്ബോ.
Sammukhena vikappanā sammukhavikappanā. Parammukhena vikappanā parammukhavikappanā. Sannihitāsannihitabhāvanti āsannadūrabhāvaṃ. Āsannadūrabhāvo ca adhiṭṭhāne vuttanayeneva veditabbo.
മിത്തോതി ദള്ഹമിത്തോ. സന്ദിട്ഠോതി ദിട്ഠമത്തോ നാതിദള്ഹമിത്തോ. അകതപച്ചുദ്ധാരന്തി ‘‘മയ്ഹം സന്തകം പരിഭുഞ്ജ വാ വിസ്സജ്ജേഹി വാ’’തിആദിനാ അകതപച്ചുദ്ധാരം. യേന വിനയകമ്മം കതന്തി യേന സദ്ധിം വിനയകമ്മം കതം.
Mittoti daḷhamitto. Sandiṭṭhoti diṭṭhamatto nātidaḷhamitto. Akatapaccuddhāranti ‘‘mayhaṃ santakaṃ paribhuñja vā vissajjehi vā’’tiādinā akatapaccuddhāraṃ. Yena vinayakammaṃ katanti yena saddhiṃ vinayakammaṃ kataṃ.
പരിഭോഗേന കായകമ്മം, അപച്ചുദ്ധാരാപനേന വചീകമ്മന്തി ആഹ ‘‘സമുട്ഠാനാദീനി പഠമകഥിനസദിസാനേവാ’’തി. കിരിയാകിരിയന്തി ഏത്ഥ പരിഭുഞ്ജനം കിരിയം. അപച്ചുദ്ധാരാപനം അകിരിയം.
Paribhogena kāyakammaṃ, apaccuddhārāpanena vacīkammanti āha ‘‘samuṭṭhānādīni paṭhamakathinasadisānevā’’ti. Kiriyākiriyanti ettha paribhuñjanaṃ kiriyaṃ. Apaccuddhārāpanaṃ akiriyaṃ.
വികപ്പനസിക്ഖാപദവണ്ണനാ നിട്ഠിതാ.
Vikappanasikkhāpadavaṇṇanā niṭṭhitā.
